iran, amérikigha, israiliyege we seudi erebistangha tehdit saldi

huseyin selami: «dunyadiki chong küchlerni meghlubiyetke duchar qilish üchün pilanimiz bar» dédi.

iran, amérikigha, israiliyege we seudi erebistangha tehdit saldi

 

türkiye awazi radiyosi xewiri: iran inqilab muhapizetchiliri armiyesi ishtabi muawin bashliqi huseyin selami, iranning sherqiy jenubida 27 eskerning ölishige seweb bolghan térrorluq hujumigha qarita amérika, israiliye we seudi erebistanning jawabkar ikenlikini éytti. 

huseyin selami paytext téhranda sistan béluchistan ölkisidiki térrorluq hujumida hayatidin ayrilghan 27 esker üchün ötküzülgen teziye murasimida amérika, israiliye we seudi erebistanni tenqid qildi.

irandiki térrorluq hujumlirining addettikiche emeslikini we yer shari xaraktérliq teyyarlanghan tolimu xeterlik bir istiratégiyege binaen ishqa ashurulghanliqini ilgiri sürüp, «chengchilirimiz amérika we israiliye shundaqla rayondiki ereb hökümetliridin teshkil tapqan 3 terep guruppisigha qarshi küreshlirini dawamlashturmaqta» dédi.

hujumda hayatidin ayrilghan eskerlerning intiqamini élish üchün kéreklik pilanlarni tüzgenlikini jakarlighan selami, «dunyadiki chong küchlerni meghlubiyetke duchar qilish üchün pilanimiz bar.  urushimiz yalghuz bir nuqta bilenla cheklenmeydu. chünki térrorchilargha san nuqtisidin qarimaymiz» dédi. 

iranning sherqiy jenubidiki sistan béluchistan ölkisining merkizi zahidan shehiride 13féwral charshenbe küni aptomobil bomba bilen élip bérilghan hujumda, inqilab muhapizetchiliridin 27 esker ölgen idi.

hujumning jawabkarliqini rayonda paaliyet qiliwatqan «jeyshul edl» namliq teshkilat öz üstige alghan idi.

iran inqilab muhapizetchiliri armiyesi teripidin élan qilinghan bayanatta, amanliqni saqlash xadimlirining sistan béluchistan ölkisige qarashliq sarewan we xash sheherliride élip barghan heriketliride zahidandiki térrorluq hujumlirigha chétishliq 3 kishining nazaretke alghanliqini élan qilghan idi.


خەتكۈچ: seudi erebistan , amérika , tehdit , iran

مۇناسىۋەتلىك خەۋەرلەر