donald tramp shinzo abi teripidin nobél tinchliq mukapatigha namzat körsitildi

amérika pirézidénti donald tramp yaponiye bash weziri shinzo abining shimaliy koréye bilen diplomatik diyalog bashlashtiki roli sewebidin özini (trampni) nobél tinchliq mukapatigha namzat körsetkenlikini élan qildi.

donald tramp shinzo abi teripidin nobél tinchliq mukapatigha namzat körsitildi

 

türkiye awazi radiyosi xewiri: tramp aq sarayda chaqirghan axbarat élan qilsh yighinida, féwralda shimaliy koréye rehbiri kim jongun bilen wéyitnamda ötküzmekchi bolghan uchrishishi heqqidiki soallargha jawab bérip, yaponiye bash weziri shinzo abining yaponiye namidin nobél tinchliq mukapati üchün özini (trampni) namzat körsetmekchi bolghanliqini anglatti. 

tramp shinzo abining norwégiyediki nobél komitétigha yollighan teklip xétining bir nusqisini özige yollighanliqini tilgha élip, shinzo abining: «men sizni yaponiye namidin namzat körsitimen, nobél tinchliq mukapatining sizge bérilishi kérekliki heqqide teklipte bolimen» dégenlikini bildürdi.

donald tramp sabiq amérika pirézidénti obamaning 2009yili pirézidéntliq wezipisige olturghan tunji yilila bu mukapatni alghanliqini eskertip, «men belkim hezgiz érishelmeslikim mumkin, yenila meyli. obamagha bérishti. biraq néme üchün bérishkenliklirini u mu chüshünelmey qaldi. mukapatni bergen chéghida pirézidéntliq weezipisige olturghinigha téxi emdi 15 deqiqe bolghan chagh idi. nobél mukapatigha érishti. "buninggha heqliq bolghudek néme ish qilghandimen?" dep qaldi. men bolsam, belkim héchqachan érishelmeslikim mumkin» dédi.

yene bir tereptin yaponiye dairiliri donald trampning yaponiye namidin namzat körsitilgen yaki körsitilmigenliki heqqide éniq gep qilmidi.

yaponiye tashqi ishlar ministirliqi trampning bayanatidin xewiri barliqini, biraq shinzo abi bilen tramp otturisida bolunghan sözlerning tepsilati heqqide melumat bérelmeydighanliqini uqturdi.      



مۇناسىۋەتلىك خەۋەرلەر