iran tehditige qarshi küresh qilish, pelestin dewasidinmu muhim
behreyn tashqi ishlar ministiri xalid bin ehmet el xelife iran tehditige qarshi küresh qilishning, pelestin dewasidin téximu muhim ikenlikini éytti.
türkiye awazi radiyosi xewiri: behreyn tashqi ishlar ministiri xalid bin ehmet el xelife amérika bashchiliqida polshada ötküzülgen «ottura sherqte tinchliq we bixeterlikning kélechikini qollash» témiliq yighinda söz qildi.
biraq, el xelifening nutuqi isirailiye bash ministiri nétanyahuning yutub (Youtube) tiki resmiy adrésidin hembehirlinip uzun ötmeyla öchürüwétildi.
el xelife: «baliliqimizdin béri isirailiye-pelestin ixtilapining eng muhim mesile ikenlikini, shundaq bolsimu, bu mesilining bir shekilde hel qilinishi kéreklikini dewatimiz. emma, yétip kelgen nuqtida intayin chong heywige duch kelgenlikimizni körduq. u bolsimu, zamaniwi tariximizning eng xeterlik heywisi bolghan iran islam jumhuriyitidur. shunga, hazirmu iran tehditige qarshi küresh qilish pelestin dewasidin téximu muhim» dédi.
u isirailiyening misir we iyordaniye ixtilapini hel qilghanliqini tekitlep, isirailiyening bashqa qoshniliri bilen ixtilaplirini hel qilishi kéreklikini, mushundaq bolghanda, birlikte «iran tehditi» ge qarshi küresh qilalaydighanliqlirini qeyt qildi.
u mundaq dédi:
«biz 1979-yildin tartip téhranning heywisige duch kelmektimiz. bu tehditning chégrasi yoq. biz iran xelqini dewatmaymiz, belki téhrandiki fashistik diniy hakimiyetni közde tutuwatimiz. xelqlirimizning ewladlirining ölümige seweb bolghan bu hakimiyetke qarshi küresh qilishimiz kérek.»
ereb birleshme xelipilikining tashqi ishlar ministiri abdullah bin zayid el nahyan isirailiyening süriyediki iran nishanlirigha qilghan hujumliri toghrisidiki soalgha: «her bir döletning tehditke duch kelgende özini qoghdash hoquqi bolidu» dep jawab berdi.
seudi erebistanning tashqi ishlargha mesul dölet ministiri adil el jubeyr, iranni, süriye, liwan, iraq we yemende muqimsizliqqa seweb bolush bilen eyiblidi. u, iranning seudi erebistan bilen afriqaning hemmila yéride qoral ishlepchiqirishqa, hindonéziye bilen taylandta weqe chiqirishqa urunuwatqanliqini qeyt qildi.
u yene, iranning, küweyt, seudi erebistan we behreyngimu qoral kirgüzüshke urunuwatqanliqini ilgiri sürdi.
rayon döletlirining ichki ishlirigha arilashqanliqini ret qilghan téhran hökümiti, mezkur üch dölet rehberlirining sözlirige héchqandaq jawab qayturmidi.
