xitay tibettiki jumulangma choqqisini sayahetchilerge menggülük taqighanliqini élan qildi
xitay tibet aptonom rayonigha jaylashqan jumulangma choqqisini sayahetchilerge menggülük taqighanliqigha qarita taghda qismen exlet bérikkenlikini seweb körsetti.
türkiye awazi radiyosi xewiri: «South China Morning Post» gézitining xewirige asaslanghanda, aldinqi ayning axirida maqullanghan we kéyinche jamaetchilikke élan qilinghan qarar dairiside, 5200 métir égizliktin ashidighan jaylarning hemmisi ékoologiyelik muhitni asrash sewebidin sayahetchilerge menggülük taqiwétilidiken.
xewerde bildürülishiche, bu qararning maqullinishigha aldinqi yili 5200 métirdin égiz jaylarda 8 tonna 400 kélo exlet we uningdin nöwenrek jaylarda bolsa, 335 tonna exlet toplinip qalghanliqi seweb körsitilgen.
peqet taghqa yamishish ruxsiti bolghan tenterbiyechilerningla 5200 métirdin égiz jaylargha yamashishigha ruxset qilinidiken. taghning tibet tereptiki qismigha yamishish ruxsiti bu yil aran 300 kishige chüshürülgen.
xitay taghchiliq jemiyitining sanliq melumatlirigha asaslanghanda, aldinqi 8 yil ichide 40 dölettin jemiy 20 mingdin artuq kishi jumulangma choqqisigha yamashqan iken.
dunya boyiche eng égiz tagh dep bilinidighan jumulangma choqqisi, népal bilen xitay otturisigha jaylashqan bolup, xitaydin taghqa yamishishni xalaydighanlar tibet aptonom rayonidin yamiship kelmekte idi.
