amérika hawa armiye istixbarat mutexessisi iranning jasusimu?
amérikida sabiq hawa armiye istixbarat mutexessisi bir ayal ofétsir iran üchün jasusluq qilish bilen eyiblendi.
türkiye awazi radiyosi xewiri: amérika edliye ministirliqi, fédératsiye tekshürüsh idarisi «FBI» we hawa armiye mesullirining washingitonda élan qilghan ortaq bayanatida, bir yildin buyan dawamlishiwatqan tekshürüsh netijiside, hawa armiyeside istixbarat mutexesisi bolup wezipe ötewatqan monika witning iran hökümiti üchün jasusluq qilish bilen eyiblengenliki bildürüldi.
mesullar witning wezipe ötesh jeryanida mexpiy melumatlarni qolgha chüshürgenlikini we «dölet bixeterlikige alaqidar melumatlarni yat dölet hökümetlirige bérish», «tozaq qurush» jinayetliri bilen eyiblengenlikini éytti.
wit heqqide teyyarlanghan 27 betlik eyibleshke asaslanghanda, wit hem amérika, hem iran puqrasi bir kishi teripidin jasusluqqa teyinlengen.
iran inqilab muhapizetchiliri iqtisadiy jehetttin qollighan bir konférans üchün 2012 – yili irangha barghan.
witning 2013 – yili irangha barghanche hazirmu iranda ikenliki bildürüldi.
eyibleshlerde yene, witning intayin mexpiy amérika dölet mudapiesige tewe bir pirogrammining mexpiy shiprisi we meqsitini iran mesullirigha yetküzgenliki, amérikining irangha qarshi jasusluq qiliwatqan bir mexpiy xadiminingmu isminimu irangha éytip bergenliki qeyt qilindi.
wit amérika hawa armiyeside 1997 – yilidin 2008 – yilighiche wezipe ötigen bolup, 2010 – yilighiche bolghan ariliqta alahide tekshürüsh bölimide mudapiege mesul bolup xizmet qilghan idi.
alaqidar mesullar witning eslide chet el istixbarat we qarshi jasusluq xizmetliri tallashlirigha alaqidar intayin mexpiy, dölet mudapiesige tewe melumatlarghimu érishish hoquqi barliqini eskertti.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.