firansiye chégradin tekshürüp ötküzüsh tüzümining mudditini uzartishni pilanlimaqta
firansiye ichki ishlar ministiri kiristof kastanér, chégradin tekshürüsh ötküzüsh tüzümining mudditini uzartishni pilanlawatqanliqlirini bildürdi.
türkiye awazi radiyosi xewiri: firansiye ichki ishlar ministiri kiristof kastanér, 2015 – yilidiki parizh hujumidin kéyin shengen (yawropa ittipaqigha eza döletler arisidiki erkin sayahet qilish kélishimige terep bolghan döletler) ni tonglitip qoyup ijra qilishqa bashlighan chégradin tekshürüsh ötküzüsh tüzümining mudditini uzartishni pilanlawatqanliqlirini bildürdi.
kiristof kastanér dölet mejliside söz qilip, may éyidin bashlap chégradin tekshürüp ötküzüsh tüzümini, döletning jenubigha jaylashqan biaritzda 24 – 26 awghust künliri échilidighan 7 dölet guruhi bashliqlar yighini dairiside yene bir qétim uzartishni xalaydighanliqlirini eskertti.
firansiye chégradin tekshürüp ötküzüsh tüzümi dairiside, adettiki ehwallarda chégradin erkin kirip – chiqidighan yawropa ittipaqi ezasi we shengen ramkisi ichidiki qoshnilirining puqralirini tekshürüp ötküzüsh siyasitini ijra qilmaqta.
chégradin tekshürüp ötküzüsh tüzümining mudditi buningdin ilgiri 40 – aprélghiche uzartilghanidi.
firansiye, 2015 – yili 13 – noyabirda parizhda yüz bergen hujumdin kéyin jiddiy halet élan qilip, chégralardin erkin ötüsh tüzümini tonglitip qoyghanidi.
chégradin tekshürüp ötküzüsh tüzümi hazirghiche 6 qétim uzartildi.
jiddiy halet tüzümi bolsa, térrorizmgha qarshi küresh we jemiyet amanliqini saqlashqa qanun – tüzümlerning chiqirilishidin kéyin ötken yili emeldin qaldurulghanidi.
gérmaniye, awstriye, daniye, shiwétsiye we norwégiyemu chégradin tekshürüp ötküzüsh tüzümini ijra qilmaqta. bu siyaset térrorizmgha qarshi küresh bilen birge qanunsiz köchmenlikning aldini élish meqsitidimu yolgha qoyulmaqta.
