ب د ت: جەنۇبىي سۇداندا مىڭلارچە پۇقرا يۇرت - ماكانلىرىدىن ئايرىلىپ قالدى
جەنۇبىي سۇداندا قايتىدىن باشلانغان توقۇنۇش ۋە زوراۋانلىق ۋەقەلىرى يېقىنقى مەزگىللەردە 13 مىڭ پۇقرانىڭ يۇرت – ماكانىدىن مەھرۇم قىلدى.
تۈركىيە ئاۋازى رادىيوسى خەۋىرى: بىرلەشكەن دۆلەتلەر تەشكىلاتى (ب د ت) مۇساپىرلار ئالىي كومىسسارلىقى، جەنۇبىي سۇداندا قايتىدىن باشلانغان يېقىندىن بۇيانقى توقۇنۇش ۋە زوراۋانلىق ۋەقەلىرىنىڭ 13 مىڭ پۇقرانى يۇرت – ماكانىدىن مەھرۇم قىلغانلىقىنى ئۇقتۇردى.
ب د ت مۇساپىرلار ئالىي كومىسسارلىقى باياناتچىسى بابور بالوچ، ب د ت مۇھىت ئاسراش ئىشخانىسىدا ئۆتكۈزۈلگەن مۇخبىرلارنى كۈتۈۋېلىش يىغىنىدا، جەنۇبىي سۇدانلىق 5 مىڭ ئەتراپىدا پۇقرانىڭ كونگو دېموكراتىك جۇمھۇرىيىتىنىڭ شەرقىي شىمالىدىكى ئىتۇرى ئۆلكىسىنىڭ ئىڭبوكولو بازىرى ئەتراپىدىكى يېزىلارغا، 8 مىڭ ئادەمنىڭ بولسا، دۆلەت ئىچىدىكى باشقا رايونلارغا قاچقانلىقىنى ئېيتتى.
جەنۇبىي سۇدانلىق پۇقرالارنىڭ ئارمىيە ۋە «مىللىي ئازادلىق فىرونتى» ئارىسىدا 19 – يانۋاردا باشلانغان توقۇنۇشلار تۈپەيلى يۇرت – ماكانلىرىدىن مەھرۇم قىلىنغانلىقىنى ئەسكەرتكەن بالوچ، بۇ كىشىلەر پىيادە ھالدا يېتىپ بارغان كونگو دېموكراتىك جۇمھۇرىيىتىدىكى جايلارنىڭ نورمال ئەھۋالدىمۇ بېرىش قىيىن جايلار ئىكەنلىكىنى تىلغا ئېلىپ ئۆتتى.
ئۇ، ئۆي – ماكانلىرىنى تەرك قىلىشقا مەجبۇر بولۇپ قالغان جەنۇبىي سۇدانلىق مۇساپىرلارنىڭ كۆپ قىسمىنىڭ ئاياللار، بالىلار ۋە ياشانغانلاردىن تەركىپ تاپىدىغانلىقىنى سۆزلىرىگە ئىلاۋە قىلدى.
مۇناسىۋەتلىك خەۋەرلەر
ياۋروپا ئىتتىپاقى ئىرانغا ئېمبارگو يۈرگۈزۈشنى قارار قىلدى
ياۋروپا ئىتتىپاقى ئىسرائىلىيەگە قىلغان ھۇجۇمى سەۋەبىدىن ئىرانغا ئېمبارگو يۈرگۈزۈشنى قارار قىلدى.