nétanyahu iranning tehditliridin qorqmaydighanliqlirini éytti

isirailiye bash ministiri nétanyahu iran élan qilghan «amérika bizge hujum qilsa, biz tél awiw bilen hayfani yer yüzidin yoq qilimiz» dégen bayanatqa naraziliq bildürdi.

1143183
nétanyahu iranning tehditliridin qorqmaydighanliqlirini éytti

türkiye awazi radiyosi xewiri: isirailiye bash ministiri nétanyahu: «iran tél awiw bilen hayfani yer yüzidin yoq qilishni sinashtek xataliqni ötküzse, bu ular tebrikligen inqilabning axirqi yili bolup qélishi mumkin» dédi.

u iran séliwatqan tehditlerni nezerdin saqit qilmaydighanliqlirini, emma bu tehditlerdin qorqmaydighanliqlirini bildürüp: «eger iran hakimiyiti tél awiw bilen hayfani yer yüzidin yoq qilishni sinashtek xataliqni ötküzse-elwette emelge ashuralmaydu-bu ular tebrikligen inqilabning eng axirqi yili bolup qélishi mumkin, buni nezerde tutushi kérek» dédi.

iran inqilabiy muhapizetchiler qismining qomandanliridin yadullah jawani tünügün (11-féwral) iran irna (IRNA) agéntliqigha bayanat bérip: «amérika bizge hujum qilsa, bizmu tél awiw bilen hayfani xeritidin öchürüwétimiz» dégen idi.



مۇناسىۋەتلىك خەۋەرلەر