иранниң йеңи башқурулидиған бомбиси көргәзмә қилинди

иран «һувәйза» намлиқ қуруғлуқтин қуруғлуққа қойуп берилидиған 1350 келометир мусапилиқ йеңи башқурулидиған бомбисини көргәзмә қилди.

иранниң йеңи башқурулидиған бомбиси көргәзмә қилинди

 

түркийә авази радийоси хәвири: иран дөләт телевизийәси «һувәйза» намлиқ йеңи узун мусапилиқ, қуруғлуқтин қуруғлуққа қойуп берилидиған башқурулидиған бомбиниң дөләт мудапиә министири әмир һатими иштирак қилған бир мурасимда көргәзмә қилинғанлиқини хәвәр қилди.

әмир һатими башқурулидиған бомба һәққидә мәлумат берип, «һувәйза» ниң пүтүнләй йәрлик имканларға тайинип ишләпчиқирилғанлиқини ейтти.

әмир һатими 1350 келометир мусапилиқ бу башқурулидиған бомбиниң төвән учуп нишанни әң йуқири нисбәттә пачақлаш иқтидариға игә икәнликини билдүрүп, «"һувәйза" намлиқ башқурулидиған бомба 1200 келометирлиқ мусапидики синақлардин интайин ғәлибилик өтти» деди. 



مۇناسىۋەتلىك خەۋەرلەر