öktichi rehber xuen guaydo dölet pilanini élan qildi

türkiye awazi radiyosi xewiri: xuen guaydo paytext karakastiki wénézuéla merkiziy uniwérstétida «dölet pilani» ning tepsilatlirini élan qildi.

xuen guaydo pilanning asasiy mezmunini: «biz yashawatqan qorqunch dölitini yaxshilash we xelqning xizmitige sunush. mebleghni jelp qilish üchün ishench peyda qilip, wénézuélani qaytidin dunya bilen birleshtürüsh» qatarliq témilar boyiche retke tizdi.

u xelq qiyinchiliqqa uchrawatqan éléktir hemde xizmetlerdiki mesililerni hel qilish üchün tirishchanliq körsitilidighanliqini bildürdi.

u: «pilanning merkizi xelq» dédi.

u pilanning ijra qilinishi üchün eng muhim sahelerning, «déhqanlar, armiye we xelqaraliq jemiyet» ikenlikini؛ yawropa parlaméntining özini «waqtliq pirézidént» dep étirap qilghanliqini eskertti.

xuen guaydo nikolas maduroni qollighan rusiye we xitayni, kélishimge, pursetler üstide izdinishke chaqirdi.

u insanperwerlik yardemlerning birinchi orunda turidighan eng muhim mesile ikenlikidin bésharet bérip, dölet pilanining yéngi emeslikini, yillarche dawamlashqan tetqiqatlar netijiside otturigha chiqqanliqini qeyt qildi.

u xelqni shenbe (2-féwral) küni karakasni asas qilghan halda döletning oxshimighan jaylirida ötküzülidighan namayishlargha qatnishishqa teklip qildi.