иранниң систан - белучистан өлкисидә, бомба партлаш вәқәси йүз бәрди
иранниң систан - белучистан өлкисидики бомба һуҗуминиң кимләр тәрипидин елип берилғанлиқи һәққидә тәпсилий мәлумат берилмиди.
1135899
түркийә авази радийоси хәвири: иранниң шәрқий җәнубидики систан - белучистан өлкисиниң пайтәхти заһидан шәһиридә йәрлик усулда йасивелинған 2 бомбиниң партлитилиши нәтиҗисидә, 3 аманлиқни сақлаш хадими йаридар болди.
систан - белучистан өлкилик сақчи идариси башлиқи муһәммәд ганбәри иран дөләт телевзийәсигә бәргән байанатида, заһидан шәһири мәркизидә йәрлик усулда йасивелинған 2 бомбиниң партлитилғанлиқини вә аманлиқни сақлаш күчлириниң нәх мәйданға йолланғанлиқини билдүрди.
муһәммәд ганбәри шу йәрниң вақти саәт 20:30 дә йүз бәргән партлашта 3 аманлиқни сақлаш хадиминиң йаридар болғланлиқини ейтти.
вәқә һәққидә тәпсилий мәлумат берилмиди.