tramp wénézuélagha qoral küchi ishlitishni oylashmaqta iken

amérika jumhuriyetchi kéngesh palata ezasi lindséy graham pirézidént donald trampning özige wénézuélagha qoral küchi ishlitish mumkinchiliki toghrisida éghiz achqanliqini bildürdi.

1135191
tramp wénézuélagha qoral küchi ishlitishni oylashmaqta iken

türkiye awazi radiyosi xewiri: amérika jumhuriyetchi kéngesh palata ezasi graham eksiyos (Axios) intérnét xewer bétining ziyaritini qobul qilghanda, pirézidént tramp bilen wénézuéla mesilisi boyiche ötküzgen söhbitining mezmuni üstide toxtaldi.

graham pirézidént trampning wénézuélagha qoral küchi ishlitish toghrisida pikrini sorighanliqini, özining uninggha, bundaq heriketning nurghun mesililerni keltürüp chiqiridighanliqini éytqanliqini bildürdi.

u: «nahayiti heyranmen, sen hemmini kontrol qilishni yaxshi köridighan ademsen, dédi. men hemme ademni kontrol qilishni xalimaydighanliqimni, peqet dölitimizning bixeterliki tehditke uchrighandila qoral küchi ishlitishni xalaydighanliqimni éyttim» dédi.

u pirézidént trampning wénézuéla mesiliside «urush terepdari» ikenlikini eskertti.

charshenbe (23-yanwar) küni wénézuélada öktichiler we maduro hakimiyitini qollaydighanlar ötküzgen namayishlar, wénézuéla hemde rayon nuqtisidin éytqanda, chong özgirishlerge seweb bolghan idi.

öktichiler üstünlükni igileydighan dölet parlaménti bashliqi xuen guaydo namayishta özini wénézuélaning «waqitliq pirézidénti» dep élan qildi. xuen guaydoning «waqitliq pirézidéntliqi» ni, amérika, kanada, kolombiye, péru, ékwator, paragway, biraziliye, chili, panama, argéntina, kostarika we giwatémala qatarliq döletler étirap qilghan idi.

méksika, türkiye, rusiye, xitay we kuba wénézuéla pirézidénti maduroni qollighan idi.

maduro karakastiki pirézidéntliq sariyining balkonidin qollighuchilirigha xitab qilip, amérika bilen bolghan barliq munasiwetlerni üzgenliklirini we amérika diplomatlirining 72 saet ichide wénézuéladin chiqip kétishi kéreklikini élan qilghan idi. u yene, kéyinki bayanatida, ikki dölet otturisida diplomatik munasiwetlerning axirlashqanliqini, emma soda munasiwetlirining dawamlishidighanliqini bildürgen idi.



مۇناسىۋەتلىك خەۋەرلەر