wénézuéla tashqi ishlar ministiri amérikani tenqid qildi

wénézuéla tashqi ishlar ministiri jorj arréaza öktichi dölet parlaménti bashliqi xuen guaydoni «waqitliq pirézidént» dep tonighan we barliq diplomatik munasiwetler üzülgen amérikani tenqid qildi.

1132968
wénézuéla tashqi ishlar ministiri amérikani tenqid qildi

türkiye awazi radiyosi xewiri: wénézuéla tashqi ishlar ministiri jorj arréaza twittérda hembehirligen uchurida: «amérika hökümitining wénézuéladiki siyasiy özgirishning arqisida turup emes, belki bashlamchiliq qilip, yüzige niqap taqimastin, yoshurushqa kérek yoq dep qarighanliqi diqqet qozghaydu. siyasiy özgirish washingtonda pilan qilindi we dunyadiki <süniy hemrah > hökümetlerge we aktiyorlargha yolyoruq bérip, ochuq-ashkara ijra qildi» dédi.

tünügün (24-yanwar) wénézuélada öktichiler we maduro hakimiyitini qollaydighanlar ötküzgen namayishlar, wénézuéla hemde rayon nuqtisidin éytqanda, chong özgirishlerge seweb bolghan idi.

öktichiler üstünlükni igileydighan dölet parlaménti bashliqi xuen guaydo namayishta özini wénézuélaning «waqitliq pirézidénti» dep élan qildi. xuen guaydoning «waqitliq pirézidéntliqi» ni, amérika, kanada, kolombiye, péru, ékwator, paragway, biraziliye, chili, panama, argéntina, kostarika we giwatémala qatarliq döletler étirap qildi.

maduro karakastiki pirézidéntliq sariyining balkonidin qollighuchilirigha xitab qilip, amérika bilen bolghan barliq munasiwetlerni üzgenliklirini we amérika diplomatlirining 72 saet ichide wénézuéladin chiqip kétishi kéreklikini élan qilghan idi.


خەتكۈچ: #tenqid , #xitab , #maduro , #twittér

مۇناسىۋەتلىك خەۋەرلەر