amérika edliye ministirliqining ministir namzati soallargha jawab berdi

amérika pirézidénti donald trampning edliye ministirliqigha namzat körsetken wilyam bar, rusiye délosigha siyasiy jehettin tosqunluq qilinmastin dawamlashturush mesiliside kéngesh palata ezalirigha ishench berdi.

1126507
amérika edliye ministirliqining ministir namzati soallargha jawab berdi

türkiye awazi radiyosi xewiri: amérika pirézidénti donald tramp teripidin edliye ministirliqigha namzat körsitilgen wilyam bar amérika kéngesh palatasida edliye ministirliqigha namzat körsitilgenliki toghrisida échilghan yighinda, kéngesh palata ezalirining soallirigha jawab berdi.

u rusiyening 2016-yildiki amérika pirézidéntliq saylamlirigha siber hujumi qilip arilashqanliqi heqqidiki dewalarni tekshürüsh ishlirining we alahide hoquqluq teptish xadimi robért mullérning bashchiliqida élip bériliwatqan tekshürüshning dawamlishidighanliqi toghrisida wede berdi.

u mullér bashchiliqidiki tekshürüshlerning her qandaq siyasiy bésimgha uchrimastin, axirighiche dawamlishishi kéreklikini tekitlidi we edliye ministiri bolghan ehwalda buni ochuq-ashkara halda közitidighanliqini bildürdi.

buningdin burunqi bayanatlirida mullérning tekshürüshlirini tenqid qilghan wilyam barning bu bayanatliri, kéngesh palata ezalirining zor diqqitini tartqandin bashqa, amérika taratqulirida keng tarqitildi.

u sözide yene, sabiq edliye ministiri jéf séshinning rusiye délosidin özini tartishini «bir toghra qarar» ikenlikige ishinidighanliqini eskertti.

u ötken yili (2018) 19 betlik doklatida mullérning tekshürüshlirini tenqid qilghan idi.

kéngesh palatasida köp sanliqni igileydighan jumhuriyetchilerning awazi bilen edliye ministiri bolidighanliqi perez qilinghan wilyam bar, 1990-yillarda sabiq pirézidént jorj hérbért wolkér bush (George H.W. Bush) dewride, edliye ministiri bolghan idi.   



مۇناسىۋەتلىك خەۋەرلەر