фирансийә: даеш йоқитилди дәп ойлаватқанлар хаталишиватиду

фирансийә ташқи ишлар министири лө деғийан «20-әсирдики келишимниң техичә музакирә қилинмиғанлиқи» ни әскәртип: «биз икки дөләтлик һәл қилиш чарисини тепиш үчүн тиришиватимиз» деди.

1124996
фирансийә: даеш йоқитилди дәп ойлаватқанлар хаталишиватиду

түркийә авази радийоси хәвири: фирансийә ташқи ишлар министири лө деғийан ийорданийәдики бир күнлүк зийаритидә ташқи ишлар министири әймән әссафәди билән көрүшкәндин кейин бирликтә өткүзгән ахбарат елан қилиш йиғинида: «20-әсирдики келишим техичә музакирә қилинмиди. бу мәсилидә елан қилинған бәзи байанатлар бар, әмма оттурида конкрет бир нәрсә йоқ. биз икки дөләтлик һәл қилиш чарисини тепиш үчүн тиришиватимиз» деди.

у пәләстиндики һазирқи әһвалниң мәсилини тинчлиқ билән һәл қилиш чарисини хәтәргә иттиридиғанлиқини билдүрүп, ийорданийәниң мәзкур мәсилидә мәркизий рол ойниғанлиқини тәкитлиди.

у ийорданийә билән пиланлиқ һалда өткүзүватқан учришишларниң икки дөләт оттурисидики чоңқур мунасивәтләрниң әкс етиши икәнликини әскәртип, учришишларда алди билән сүрийә мәсилисини музакирә қилғанлиқлирини билдүрди. у мундақ деди:

« даеш террорлуқ тәшкилатини оттуридин йоқитиш вә оттура шәрқниң толуқ мәниси билән муқимлиққа еришиши, бизниң алдин әһмийәт беридиған мәсилилиримиз. бу сәвәбтин, сүрийә мәсилисини һәл қилиш үчүн резикмәй вә тирикмәй хизмәт қилишни давамлаштуримиз. даешқа қарши уруш техи ахирлашмиди, бу террорлуқ тәшкилати йоқитилди, дәп ойлиғанлар хаталишиватиду.»

у сүрийәдә бәшшар әсәдниң һакимийәт бешида қалидиғанлиқи тоғрисидики соалға: «буниң шәртлирини оттуриға қойдум дәп ойлаймән. бу һәммә киши етирап қилған вә очуқ-ашкара болған сайламлар билән болуши мумкин. бәшшар әсәд намзат болидиған болса, келәчәклири үчүн қарар қилидиғанлар сүрийәликләр болиду. буму әлвәттә, сайлам вә асасий қанун түзүш билән мумкин болиду. пүткүл сүрийәликләрниң вәкиллирини сайлаш үчүн аваз ташлаш лазим» дәп җаваб бәрди.

ийорданийә ташқи ишлар министири әймән әссафәди фирансийә ташқи ишлар министири лө деғийан билән көрүшкәндә, икки тәрәп мунасивәтлири, пәләстин мәсилиси вә сүрийә киризисини музакирә қилғанлиқлирини билдүрди.

у ийорданийәниң 1.3 милйон сүрийәликкә саһибханлиқ қиливатқанлиқини, сүрийәликләрни имканийәтниң беричә әң қисқа вақит ичидә дөлитигә қайтишқа илһамландуруватқанлиқлирини әскәртти.

рәсмий дөләт ишлири зийарити үчүн түнүгүн (13-йанвар) ийорданийәгә йетип барған лө деғийан падишаһ 2-абдуллаһ билән көрүшкән иди.



مۇناسىۋەتلىك خەۋەرلەر