yene ikki kishi trampqa qarshi riqabetke chüshidighanliqini bildürdi
amérika qoshma ishtatlirida démokratik qanatning yene ikki siyasetchisi, 2020 – yilidiki pirézidéntliq saylamlirida pirézidént donald trampqa qarshi namzat bolidighanliqini uqturdi.
türkiye awazi radiyosi xewiri: esliy kélip chiqishi méksikiliq bir ailining perzenti bolghan, sabiq pirézidént barak obama hökümitide turalghu jay we sheher güllendürüsh ishliri ministiri bolup wezipe ötigen juliyan kastro bilen iraq urushigha ishtirak qilghan pishqedem esker, awam palata ezasi tulsi gabbard, 2020 – yilidiki pirézidéntliq saylimida namzat bolidighanliqini élan qildi.
kastro, pirézidént namzatliqini inglizche we ispanche ikki tilda téksasta élan qildi. gabbard bolsa, pirézidéntliq saylimigha kirishni qarar qilghanliqini we aldimizdiki hepte namzatliqini resmiy élan qilidighanliqini bildürdi.
méksikiliq bir köchmen ayalning newrisi bolghan 44 yashliq kastroning pirézidéntliq saylimidiki birdinbir latin esillik namzat bolushi kütülmekte.
iraq urushigha ishtirak qilghan pishqedem esker tulsi gabbard bolsa, 2012 – yili awam palata ezaliqigha saylanghan tunji hindu eza bolghanidi.
démokratik qanatning aldinqi qatardiki zatliridin masachuséts ishtati palata ezasi élizabit warrénmu trampqa qarshi beygige chüshidighan pirézidént namzatlirining biri hésablinidu.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
