теһран: вашингтон мәғлубийитини қобул қилиши керәк

иран ташқи ишлар министири муһәммәд җәвад зариф дөлитиниң америкиниң халиғинидәк нормал бир дөләт болмайдиғанлиқини, шуңа вашингтонниң мәғлубийитини қобул қилиши керәкликини ейтти.

1123478
теһран: вашингтон мәғлубийитини қобул қилиши керәк

түркийә авази радийоси хәвири: зариф аммиви ортақлишиш тор бетидики сәһиписидә, америка қошма иштатлири ташқи ишлар министири майк помпейониң иранға алақидар байанатлириға җаваб берип мундақ деди: «америка қошма иштатлири қачан, қәйәргә мудахилә қилса, шу чағда вә шу йәрдә қалаймиқанчилиқ, бесим вә питнә - пасат оттуриға чиқиду, помпейониң иранни нормал бир дөләткә айландуруш хийали пәқәт җәһәннәм тоңлап муз тутқандиқла андин ишқа ешиши мумкин, шу чағда америка қошма иштатлириниң қорчақ һакимийәтлири помпейониң кишилик һоқуқ модели сийаситини йолға қойуп, иранни нормал бир дөләткә айландуруши мумкин, америка қошма иштатлириниң әсли нийити <шаһ һакимийити дәври» дикигә, йаки һазирқи <җаллат һакимийәтләр> гә  охшаш қорчақ бир һакимийәтни оттуриға чиқириштур. биз буниңға әсла йол қоймаймиз, шуңа, әң йахшиси америка қошма иштатлири иран мәсилисидә мәғлуб болғанлиқини қобул қилиши керәк.»

америка қошма иштатлири ташқи ишлар министири майк помпейо оттура шәрқ зийаритиниң тунҗи бекити ийорданийәдә бәргән байанатида, иранни нормал бир дөләткә айландурушни нишан қиливатқанлиқлирини тәкитләп мундақ дегәниди: «шуңа, иранға қаритилған бесимни пәқәт дипломатик саһәдила әмәс, сода саһәсидиму икки һәссә күчәйтимиз.»



مۇناسىۋەتلىك خەۋەرلەر