jon bolton türkiye bilen isirailiyeni ziyaret qilidu
aqsaray dölet xewpsizlik meslihetchisi jon bolton amérikaning süriyedin chékinish mesilisi boyiche kordinatsiye ishlirini söhbetlishish üchün, türkiye bilen isirailiyeni ziyaret qilidighanliqini élan qildi.
türkiye awazi radiyosi xewiri: amérika aqsaray dölet xewpsizlik meslihetchisi jon bolton twittérda türkiye bilen isirailiyeni ziyaret qilidighanliqi heqqide bayanat élan qildi. u: «amérika herbiy qisimlirining süriyedin chékinishi, daéshning qayta peyda bolmasliqi, daéshqa qarshi biz bilen birlikte urush qilghanlarning ornining qoghdilishi we iranning rayondiki yaman niyetlik paaliyetlirige qarshi küresh qilish mesililiri boyiche ittipaqdashlirimiz bilen qandaq qilishni muzakire qilish üchün, türkiye bilen isirailiyeni ziyaret qilimiz» dédi.
u twittérda bu heqte ikkinchi qétim hembehirligen uchurida, türkiye ziyaritide amérikaning süriye alahide wekili jéymis jéfréy bilen ishtab bashliqi joséf dunfordning hemrah bolidighanliqini bildürdi.
مۇناسىۋەتلىك خەۋەرلەر
polsha: zéminimizgha yadro qorallirini orunlashturushqa teyyarmiz
polsha öz zéminigha yadro qorallirini orunlashturushqa teyyar ikenlikini bildürdi.
