җанкер бәзи йавропа дөләтлирини икки йүзлимичилик қилиш билән әйиблиди

йавропа иттипақи комитети башлиқи җанкер, иттипақниң бәзи әзалирини ташқи чеграларни қоғдаш җәһәттә икки йүзлимичилик қилиш билән әйиблиди.

1116670
җанкер бәзи йавропа дөләтлирини икки йүзлимичилик қилиш билән әйиблиди

түркийә авази радийоси хәвири: җанкер германийәдә чиқидиған «Die Welt» гезитиниң соаллириға җаваб берип, йавропа иттипақида йеқинда оттуриға чиққан бәзи өзгиришләрдин һәйран болмай туралмиғанлиқини ейтти.

иттипаққа әза барлиқ дөләт вә һөкүмәт башлиқлириниң икки йил бойичә йавропа иттипақиниң ташқи чегралириниң техиму йахши қоғдилинишини халайдиғанлиқини билдүргәнликини, комитетниң буниңға әстайидил қарап, 2020 – йилиниң ахириғичә иттипақниң ташқи чеграсини муһапизәт қилидиған мәмурлар санини 10 миңға йәткүзүшни мәзмун қилған бир лайиһә тәййарлап чиққанлиқини әскәрткән җанкер, нөвәттә бирдин көп тәрәпниң гуманлирини оттуриға қойғанлиқини билдүрди.

бәзи әзаларниң «миллий игилик һоқуқиға мудахилә қилинғанлиқи, һәр ишниң наһайити тез өзгәргәнлики вә санниң бәк көп икәнлики» һәққидә шикайәтлирини оттуриға қойғанлиқиға ишарәт қилған җанкер, буниң очуқтин очуқ икки йүзлимичилик икәнликини илгири сүрүп, «башта йавропа иттипақи комитетиниң бир ишларни қилиши тәләп қилинди. арқидин бир тәклипни оттуриға қойдуқ. болупму йавропа иттипақиниң ташқи чегра муһапизитиниң йетәрсиз икәнликини җараңлиқ һалда оттуриға қойғанлар келишимдин орун елишни халимайватиду. йавропа бу һаләттә хизмәт қилалмайду» деди.

бу ишқа тәййарлиқ қилиниши вә ташқи чеграларниң контроллуқ астиға елиниши үчүн тез һәрикәт қилиш керәкликини тәкитлигән җанкер, мунасивәтлик дөләтләрниң әндишиләрни бир чәткә қайрип қойуп, ташқи чеграларни қоғдашқа мунасивәтлик тәклип лайиһәсини тез сүрәттә қарарға айландурушини тәләп қилди.

йавропадики сийасәтчиләрдин мусапирлар мәсилисиниң һәл қилғили болмайдиған бир мәсилә әмәсликини чүшәндүрүшини тәләп қилған җанкер сөзини давамлаштуруп, «йавропада техиму мунтизм һәмкарлиқ орнитилса, синақлар һазирқидин хелила аддий болиду. бу, көрүнәрлик дәриҗидә мусапилар саниниң азийишиға һәссә қошқан, җиддий рәвиштә бәс – муназирә қилинған йавропа иттипақи – түркийә келишимидә әкс әтти. келишим чеқими көп, әмма йахши бир селинмидур» деди.



مۇناسىۋەتلىك خەۋەرلەر