patrik shéynahan mattisning ornigha wakaliten wezipige teyinlendi

amérika dölet mudapie ministiri mattis istépa bergendin kéyin, pirézidént tramp teripidin mattisning ornigha wakaliten wezipige teyinlengen muawin dölet mudapie ministiri patrik shéynahan , wezipisini yéngi yil (2019) din tartip bashlaydu.

1115107
patrik shéynahan mattisning ornigha wakaliten wezipige teyinlendi

türkiye awazi radiyosi xewiri: patrik shanahan herbiy we tashqi siyasette tejribisining yoqluqi bilen bilingen kishi. u 1986-yildin ötken yili (2017) dölet mudapie ministiri mattis teripidin muawin dölet mudapie ministirliq wezipisige namzat körsitilgiche boyin shirkitide oxshimighan xizmetlerni ishlidi.

ministirliqta wezipige qoyulghiche boyin shirkitining teminlesh zenjiri we bazar échish muawin mudiri bolup xizmet qilghan shéynahan, mezkur shirketning bashqurulidighan bomba mudapie sistémisi we perwane hawa sistémiliri bölümliridimu xizmet qildi.

u boyin shirkitidiki ijtimaiy orni sewebidin washingtondiki amma teripidin yaxshi bilinidighan bilinidighan bolup, herbiy we tashqi siyasette bolsa, tejribisining yoqluqi bilinidu.

u ministirliqtiki géopolitikiliq siyaset neziriyesi we pilanlardin bekrek, ünümni meqset qilghan xamchot xizmetliri, armiyeni zamaniwiylashturush we urush teyyarliqi qatarliqlargha diqqitini merkezleshtürdi.

u péntagonda anche közge körünmigen bolsimu, emma amérika dölet mudapie ministirliqining yuqiri derijilik emeldarliri étiraz bildürgen alem armiyesi qomandanliq merkizining qurulushiida eng muhim rol oynighan biyukrat bolup tonuldi.

u alem armiyesi qomandanliq merkizining qurulushidiki roli seweblik, pirézidént tramp we muawin pirézidént mayk péns bilen munasiwitining intayin yaxshi ikenliki qeyt qilinidu.

péntagongha yéngi ministir teyinlengiche wakaliten dölet mudapie ministiri bolup wezipe öteydighan shéynahan süriyedin chékinish we afghanistandin qismen chékinish basquchlirigha qomandanliq qilidu.



مۇناسىۋەتلىك خەۋەرلەر