tramp grahamning süriye toghrisidiki sözlirige naraziliq bildürdi
amérika qoshma ishtatliri pirézidénti donald tramp, süriyedin chékinish qararini eyibligen jumhuriyetchi qanatning aldinqi qatardiki siyasetchiliridin lindséy grahamni tenqid qildi.
türkiye awazi radiyosi xewiri: donald tramp ijtimaiy taratqu tori tiwittérdiki adrési arqiliq bayanat bérip, «lindséy grahamning eskerlirimizning hayatini qoghdashqa we milyardlarche dollarni téjep qélishqa qarshi ikenlikige ishnish heqiqetenmu qiyin. némishqa (süriyede) qélip we daéshliqlarni rusiye, iran we bashqa mehelliy terepler üchün öltürüp düshminimiz bolghan süriye üchün urush qilimiz? waqit, öz dölitimizge merkezlishish we yashlirimizni özlirige tewe bolghan öylirige qayturup kélish waqtidur.» dégenlerni qeyt qildi.
trampning qararini eyibleshni dawamlashturghan graham bolsa, bir téléwiziye pirogrammisida, amérika qoshma ishtatlirining «süriyede bir küch boshluqi shekillendürmesliki kérekliki» ni éytti.
süriyedin esker chékindürüshke munasiwetlik mezkur qararning téximu keng dairide qaytidin muzakire qilinishi lazimliqini ilgiri sürgen graham, trampni qararini közdin kechürüshke chaqirdi.
