yemen armiyesi husiylarning bir uchquchisiz hawa apparatini chüshürüwetti
yemen armiyesi, döletning sherqiy qismigha jaylashqan marib wilayitide husiylarning iranda ishlengen bir uchquchisiz hawa apparatini étip chüshürdi.
türkiye awazi radiyosi xewiri: yemen armiyesining tor bétide élan qilighan bir xewerde, 26 – mika birigadasi, marib wilayitining jenubigha jaylashqan harib we eljude nahiyesi arisida husiylargha tewe bir uchquchisiz hawa apparatining chüshürüwétilgenliki, tekshürüsh netijiside uning iranda ishlepchiqirilghanliqi we partlatquch orunlashturulghanliqining otturigha chiqqanliqi qeyt qilindi. xewerde bashqa tepsilatlargha orun bérilmidi.
husiylar bu heqte héchqandaq bayanat bermidi. yemen armiyesi buningdin ilgirimu uda bir qanche qétim döletning oxshash bolmighan jaylirida husiylarning uchquchisiz hawa apparatlirining chüshürüwétilgenlikini uqturghanidi.
uzundin buyan siyasiy muqimsizliq höküm sürüwatqan yemende, husiylar bilen qanunluq hökümet küchlirining toqunushliri dawam qilmaqta.
husiylar, 2014 – yili séntebirdin buyan paytext sena (sana) we bashqa bezi jaylarning kontrolluqini qolida tutup turmaqta, seudi erebistan bashchiliqidiki ittipaqdash küchler bolsa, 2015 – yili marttin buyan husiylargha qarshi yemen hökümitige hemdem bolmaqta.
مۇناسىۋەتلىك خەۋەرلەر
polsha: zéminimizgha yadro qorallirini orunlashturushqa teyyarmiz
polsha öz zéminigha yadro qorallirini orunlashturushqa teyyar ikenlikini bildürdi.
