amérikada nazaretke élinghan rusiye jasusi jasusluqini étirap qildi

amérikada rusiye üchün jasusluq qilish bilen eyiblinip iyul éyida nazaretke élinghan mariya butina washingitonda échilghan sotta jinayitini étirap qildi.

1107065
amérikada nazaretke élinghan rusiye jasusi jasusluqini étirap qildi

 

türkiye awazi radiyosi xewiri: amérika siyaset gézitining xewiride, mariya butinaning eyibleshlerni étirap qilip, teptish mehkimisi bilen hemkarlishishni qobul qilghandin kéyin, washingiton fédératsiye rayonluq sot mehkimiside sot qilinghanliqi bildürüldi.

mariya butina sotta jinayitini étirap qilip, rusiye hökümiti üchün amérikiliq siyasetchiler heqqide melumat toplap bérish üchün xizmet qilghanliqini, amérikida xususiy qorallinishning cheklinishige qarshi turushi bilen tunulghan we zor talash tartish yaratqan «xelq miltiqi jemiyiti» ge oxshash organlargha séngip kirishke urunghanliqini anglatti.

teptish mehkimisi mariya butinaning rusiye pirézidénti wiladimir putin bilen yéqin munasiwiti bolghan bir sabiq rusiye parlaménti ezasidin yol yuruq alghanliqini ilgiri sürdi.

mariya butinaning adwukati bolsa, uning amérikigha oqughuchi bolup kelgenlikini we amérika siyasitige shundaqla amérika rusiye munaswetlirige tolimu qiziqidighan birsi ikenlikini bildürdi.

30 yashliq rusiyelik ayal jasus mariya butinaning amérikidiki paaliyetliri jeryanida özini xususiy qorallinishning cheklinishige qarshi turush paaliyetchisi süpitide tonutqanliqi, sot éshiliri we bu jeryanda tutup turulishi dawamlishidighanliqi qeyt qilindi. 


خەتكۈچ: #amérika , #jasus , #rusiye

مۇناسىۋەتلىك خەۋەرلەر