tramp shahzade muhemmed bin selmanni qollaydighanliqini éniq ipadilidi

türkiye awazi radiyosi xewiri: amérika qoshma ishtatliri pirézidénti donald tramp, amérika merkiziy axbarat idarisi – CİA ning seudi erebistanliq zhurnalist jemal qashiqji weqesige alaqidar doklati we palatadiki naraziliqlargha qarimay, text warisi shahzade muhemmed bin selman bin abduleziz al suudning yénidin orun alidighanliqini bildürdi.

tramp aqsarayda muxbirlarning soallirigha jawab berdi. u roytérs muxbirining jemal qashiqji jinayitide text warisi shahzadining qolining bar – yoqluqi toghrisidiki soaligha del jawab bérishtin özini qachurup, «u seudi erebistanning lidéri. seudi erebistan nahayiti yaxshi bir ittipaqdashtur» dédi.

donald tramp, «seudi erebistanni qollash text warisi shahzadini qollash dégenlikmu?» dégen soalgha «shundaq, hazirqi ehwalda choqum shundaq» dep jawab berdi.

amérika pirézidénti donald tramp yene, text warisi shahzade muhemmed bin selmanning özige ishengen halda jemal qashiqji jinayiti bilen alaqisi yoqluqini éytqanliqini xatiritilip ötti.

roytérs muxbiri trampqa, seudi erebistan xanidanliq ailisining bezi ezalirining text warisi shahzade selmanning padishah bolushining aldini élishni xalaydighanliqini, biraq selmanning padishah bolush – bolmasliqini belgileydighan orunning amérika we tramp bolidu, dep qariliwatqanliqini éytti. tramp bu sözlerge «bundaq bir nerse anglimidim. buninggha izahat bermeymen, chünki bundaq gepni peqet anglimidim. men anglighan birdinbir nerse, selmanning nahayiti küchlük shekilde hakimiyet béshida ikenlikidur» dep jawab qayturdi.

tramp, seudi erebistan bilen yéqin munasiwetni dawamlashturushni xalisimu, démokratlar we trampning partiyesidiki bir qatar palata ezaliri text warisi shahzadini qashiqji ölümining jawabkari, dep qarimaqta.

siyasetchiler amérika dölet mejliside, amérikining, seudi erebistanning yemende élip bériwatqan urushini qollashqa xatime bérish, seudi erebistangha yéngi émbargolarni yürgüzüsh we qoral sétip bérishni toxtitish toghrisida qanun layihesi teyyarlimaqta.

CİA ötken ay qashiqjini öltürüsh buyruqini muhemmed bin selman chüshürgen dep qaraydighanliqini bildürgenidi.