b d t: shiwétsiyede bashlanghan kéngesh yighinidin xursenmiz

türkiye awazi radiyosi xewiri:  birleshken döletler teshkilati bash katibat bashqarmisi bayanat ishliri teripidin bu heqte élan qilinghan bayanatta, mundaq déyildi: «bash katip antonio gutérrés shiwétsiyede bashlanghan <yemen> téimiliq kéngesh yighinidin intayin xursen.»

terepler semimiyet we yaxshi niyet bilen pozitsiye tutup, birleshken döletler teshkilatining yemen alahide wekili martin griffishning pilani boyiche kéngesh yighinida ümünlük netijilerge érishishi chaqiriq qilinip mundaq déyildi: «bash katip antonio gutérrés yemende urush qiliwatqan tereplerni <huduydediki> sürkilishni azaytish we insanlarning hayatigha tehdit séliwatqan iqtisadiy we insaniy weziyetni ongshash üchün küchlük tedbirlerni élishqa chaqirmaqta.»

bayanatta, diyalog arqiliq kiriziske siyasiy chare tépishning yemendiki toqunushlarni azaytish we insaniy kiriziske mudaxile qilishning birdinbir yoli ikenliki qeyt qilindi.

yemende terepler ara diyalog muzakiriliri 2015 – yili shiwéytsariyening biél we jenwe sheherliride, 2016 – yili kuweytte chaqirilghan 3 – nöwetlik yighindin kéyin, buningdin ikki yil ilgiri toxtap qalghanidi.

aridin ikki yil ötkendin kéyin 6 – séntebir küni jenwede ötküzülüshi pilanlanghan «yemen» téiliq kéngesh yighinliri, husiylar qatnashmighanliqi üchün muweppeqiyetsizlik bilen netijilengenidi.

yemendiki ichki urushqa xatime bérish meqsitide birleshken döletler teshkilati bashchiliqidiki kéngesh yighinliri, bügün shiwétsiyening paytexti sitokholm shehiridin 77 kilométir yiraqliqqa jaylashqan rimbo  rayonidiki johanésbérg sariyida bashlanghanidi.

uzundin buyan  siyasiy muqimsizliq höküm sürüwatqan yemende, husiylar bilen qanunluq hökümet  otturisida toqunushlar yüz bermekte.

husiylar 2014 – yili séntebirdin buyan paytext sana we bezi rayonlarni kontirol qilmaqta. seudi erebistan bashchiliqidiki ittipaqdash küchliri bolsa 2015 – yili marttin buyan husiylargha qarshi yemen hökümitige yardem bermekte.