«sériq chapanliqlar» namayishi firansiye milliy mejlisi we palatasini heriketke ötküzdi

türkiye awazi radiyosi xewiri: firansiye bash ministirliq mehkimisi yazma bayanat élan qilip, ete milliy mejliste we peyshenbe küni palatada namayishlar toghrisida yighin chaqirilidighanliqini uqturdi. bayanatta, bash ministir éduward filipningmu ete sériq chapanliqlar wekillirini qobul qilidighanliqi toghrisidiki uchurlargha orun bérildi.

bu jeryanda iqtisad ministir lé mairé, «sériq chapanliqlar» ning teleplirige jawab bérish üchün, bajlar we omumiy xirajetlerning téz sürette qisqartilishi kéreklikini éytti. u ministirliqta muxbirlarni kütüwélish yighini ötküzüp, yéqilghu bajlirini töwenlitish we iqtisadiy shert – sharaitni yaxshilash yolida «sériq chapanliqlar» ning namayishliridin kéyin yolgha qoyush mumkinchiliki bolghan chare – tedbirler toghrisida toxtaldi.

baj we omumiy xirajetlerning téz sürette qisqartilishi lazimliqini eskertken mairé, bu yolda ilgirilesh iradilirining qetiy ikenlikini tekitlep ötti.

«sériq chapanliqlar» ning namayishlirining dölet iqtisadigha éghir tesir körsetkenlikige isharet qilghan lé mairé, oxshash bolmighan sahelerning bu musapide ziyangha uchrighanliqini qeyt qildi.

u, namayishlar tüpeyli arqa sep we toshumichiliq shirketlirining 400 milyon yawro ziyangha uchrighanliqini, méhmanxanilardin yataq ajritish nisbitining %15 bilen %20 ariliqida töwenlep ketkenlikini bildürdi.

15 kündin buyan résturan kirimlirining %20 bilen %50 etrapida töwenlep ketkenlikige isharet qilghan lé mairé, namayishlarning Renault we Peugeot ning sétish nisbetlirinimu töwenlitiwetkenlikini eskertti.

yene bir tereptin, bash ministir filip, pirézidént émanuél makronning yolyoruqigha asasen, ashqun ongchi milliy birlik partiyesi bashliqi lé péntagon we ashqun solchi boyun egmes firansiye herikitining lidéri mélénchon qatarliqlarni öz ichige alghan öktichi partiyelerning lidérliri bilen körüshidu.

öktichi partiyeler, hökümetni namayishlar jeryanida zorawanliq qilishqa yol qoyush arqiliq «sériq chapanliqlar» ning qanuniyliqigha ziyan yetküzüshke urunush bilen eyibligenidi.

firansiye miqyasida sériq chapanliqlar dégen nam astida teshkillengen namayishchilar, 17 – noyabirdin buyan hökümetning yéqilghugha qoshumche baj qoyushigha naraziliq bildürüp namayish ötküzutqan bolup, namayishlar jeryanida yüz bergen sürkilishlerde hazirghiche 2 adem jénidin ayrildi, 222 si xewpsizlik xadimi bolup jemiy 1043 adem yarilandi, 1424 adem nazaret astigha élindi.