маттис: һиндистанниң истратегийәлик мәнпәәти америка билән охшаш нуқтиға кәлди
америка дөләт муидапиә министири маттис узун вақитлардин бери «битәрәп» дөләт салаһийитидин пайдилинип русийәдин қорал сетивалған һиндистанниң истратегийәлик мәнпәәтлириниң, вақитниң өтүшигә әгишип америка билән охшаш нуқтиға кәлгәнликини ейтти.
түркийә авази радийоси хәвири: америка дөләт мудапиә министири маттис бәш бурҗәклик бина (пентагон) да, һиндистан дөләт мудапиә министири нирмала сисараман билән көрүшүштин бурун, мухбирларниң соаллириға җаваб бәрди.
у һиндистанниң русийәдин «S-400» типлиқ башқурулидиған бомба системиси алғанлиқи хатирилитилгән һалда соралған « американиң һиндистанни русийәгә йүргүзгән ембарголиридин мустәсна тутуп-тутмайдиғанлиқи» һәққидики бир соалға: «һиндистан йиллардин бери охшаш. бу <битәрәп салаһийәт> дейилиду. буниңдин пайдилинип русийәдин нурғун қорал сетивалди. оттуримизда ешип бериватқан истратегийәлик мәнпәәтләрни тәңшәш музакирә қилинидиған мәсилә» дәп җаваб бәрди.
америка конгрәси өткән йил (2017) чиқарған «америка дүшмәнлиригә қарши ембарго арқилиқ күрәш қилиш қануни(CAATSA)» , русийә дөләт мудапиәси вә истихбарат идарилириға четишлиқ идарә-органлар билән сода қилған үчинчи дөләт йаки ширкәтләргә ембарго йүргүзүшни тәләп қилиду.
һиндистан русийәдин «S-400» башқурулидиған бомба системисини сетивалғандин башқа, армийәдә русийәдин сетивалған « Mig-21», «Mig-27», «Mig-29» вә «Su-30» қатарлиқ уруш айропиланлириму бар.
