иран: биз башқурулидиған бомба синақлиримизни давамлаштуримиз

иран армийә баш қоманданлиқ иштаби байанатчиси брагада командири «биз һәм башқурулидиған бомба синақлиримизни, һәм башқурулидиған бомбиларни тәрәққий қилдурушни давамлаштуримиз. буниң үчүн һеч бир дөләттин рухсәт елип йүрмәймиз» деди.

иран: биз башқурулидиған бомба синақлиримизни давамлаштуримиз

түркийә авази радийоси хәвири: иран армийә баш қоманданлиқ иштаби байанатчиси брагада командири әбул фәзл шикарчи елан қилған байанатида, америка һөкүмитиниң «иран б д т хәвпсизлик кеңишиниң чәклимсигә хилаплиқ қилип, оттура мусапилиқ балистик башқурулидиған бомба синақ қилди» дегән шикайитигә җаваб қайтуруп, «биз һәм башқурулидиған бомба синақлиримизни, һәм башқурулидиған бомбиларни тәрәққий қилдурушни давамлаштуримиз» деди.

инқилаб муһапизәтчилири қисимлириға йеқинлиқи билән тонулған йерим рәсмий хәвәр агентлиқи «Tasnim» ниң хәвәр қилишчә, брагада командири әбул фәзл шикарчи америка ташқи ишлар министири майк помпийониң: «иран һәр хил оқ беши тошуш иқтидариға игә оттура мусапилиқ балистик башқурулидиған бомба синақ қилди вә бу синақ б д т хәвпсизлик кеңишиниң 2231 номурлуқ қарариға хилап» дегән байанати үстидә тохталған. 

әбул фәзл шикарчи башқурулидиған бомба синақлириниң иранниң һуҗум вә мудапиә күчини ашурушни мәқсәт қилидианлиқини, райондики һечбир дөләтниң мәнпәәтидә көзлири йоқлуқини билдүрди.

әбул фәзл шикарчи: «биз һәм башқурулидиған бомба синақлиримизни, һәм башқурулидиған бомбиларни тәрәққий қилдурушни давамлаштуримиз. буниң үчүн һеч бир дөләттин рухсәт елип йүрмәймиз» дегән сөзләри ишләтти вә бу теминиң музакирә сиртидики тема икәнликини шундақла иранниң дөләт бихәтәрликигә мунасивәтлик икәнликини қәйт қилди. 

америка вә райондики иттиапқдашлирини истиратегийәлик бирәр хаталиқ садир қилмаслиқ җәһәттә алаһидә агаһландурушта болған әбул фәзл шикарчи: «әгә шундақ бирәр хаталиқни өткүзүп салидиған болса, мәңгү есидин чиқмайдиған шәклидә дәрсини елишиду. биз америка вә иттипақдашлириниң ундақ хаталиқ өткүзмәйдиғанлиқиға ишинимиз. пәқәтла тәҗрибисиз вә чала устиларла шундақ хаталиқни өткүзиду һәмдә бәдилиниму еғир өтәйду» деди.

 америка ташқи ишлар минстири майк помпийо алдинқи күни иранниң һәр хил оқ беши тошуш иқтидариға игә оттура мусапилиқ башқурулидиған бомба синақ қилғанлиқини билдүрүп, «бу башқурулидиған бомба йавропаниң бир қисмиға вә оттура шәрқниң һәммила йеригә йетип баралайдиған иқтидарға игә. бу башқурулидиған бомбини синақ қилғанлиқи б д т хәвпсизлик кеңишиниң 2231 нумурлуқ қарариға хилап. иранни йадро оқ беши тошуш иқтидариға игә барлиқ балистик башқурулидиған бомба синақлирини дәрһал тохтитишқа чақиирқ қилимиз» дегән иди. 



مۇناسىۋەتلىك خەۋەرلەر