ete nato tashqi ishlar ishlar ministirliri yighini échilidu

türkiye awazi radiyosi xewiri: nato tashqi ishlar ministirliri yighini bélgiye paytexti biryussélda ötküzülidu. nato bash katipi stolténbérg ikki kün dawamlishidighan nato tashqi ishlar ministirliri yighinining küntertipi toghrisida bayanat élan qilip, 1987-yili amérika bilen sowét ittipaqining otturisida imzalanghan we sowét ittipaqi yimirilgendin kéyin, amérika bilen rusiye fédératsiyesi arisida dawamlashqan «INF» kélishimining, 4-dékabirdiki yighinning asasliq küntertip maddisi bolidighanliqini bildürdi.

bash katip stolténbérg: «rusiye yéngi bashqurulidighan bomba yasap orunlashturdi. bu bashqurulidighan bombini bayqash nahayiti tes. bu bashqurulidighanh bombining yadro oq béshi élip yürüsh iqtidarimu bar. bu bashqurulidighan bomba nahayiti qisqa bolghan agahlandurush waqti ichide yaki héchqandaq agahlandursh bolmayla yawropa sheherlirige yétip kileleydu. amérika INF kélishimige toluq boysunidu. yawropada amérikaning yéngi bashqurulidighan bombiliri yoq, emma rusiyening yéngi bashqurulidighan bombiliri bar» dédi.

bash katip stolténbérg etiki nato tashqi ishlar ministirliri yighinining küntertipide, azaq déngizidiki ukraina-rusiye yirikchilikiningmu barliqini bildürdi.

u nato tashqi ishlar ministirlirining giruziye we ukraina tashqi ishlar ministirliri bilen körüshidighanliqini؛ bu döletlerning rusiye tüpeylidin nahayiti éghir bixeterlik mesililirige duch kelgenlikini eskertti. u mundaq dédi:

«rusiye kérch boghuzida ukraina paraxotlirini we déngizchilirini tutuwaldi. bundaq küch ishlitishni qobul qilidighan héchqandaq teripi yoq. sükütni we soghuq qan bolushni chaqiriq qilimiz. rusiye ukrainaning herbiy paraxotlirini we déngizchilirini qoyup bérishi lazim. déngizda erkin seper qilishqa ruxset qilishi, azaq déngizida ukraina portliridin paydilinishqa tosqunluq qilmasliqi lazim.»

u, yighinda yene nato tashqi ishlar minisirlirining ottura sherq, shimaliy afriqadiki bixeterlik tehditlirinimu muhakime qilidighanliqlirini, bu ramkida natoning rayondiki shériklirige qilghan yardemlirige qarap chiqidighanliqlirini bildürdi.

u natoning iraqta yerlik küchlerni terbiyelesh qismi toghrisida özara pikir almashturidighanliqlirini eskertip, buning xelqaraliq térrorizmgha zerbe bérishte hesse qoshidighanliqini tilgha aldi.

nato bash katipi tashqi ishlar ministirlirining yighinning ikkinchi künide, gherbiy balqan rayonining weziyitini muzakire qilidighanliqini qeyt qildi.

u yighinning afghanistan qismigha telim-terbiye bériwatqan nato qismi toghrisida özara pikir almashturghandin kéyin, axirlishidighanliqini bildürüp: «afghanistandiki sinaqlarning amilliri nahayiti köp, afghanistanning xelqaraliq térroristlar üchün bixeter jaygha aylinishini tosush üchün dawamliq tirishiwatimiz» dédi.

nato tashqi ishlar ministirliri yighinigha, türkiyege wakaliten tashqi ishlar ministiri mewlüt chawushoghlu qatnishidu we yighin dairiside bezi mensepdashliri bilen körüshidu.