америка: шималий корейә мәсилисини һәл қилишта сәврчан болимиз

америка ташқи ишлар министири майк помпейо шималий корейә йадро қорали вә башқурулидиған бомба синақ қилиштин йирақ турған вақитта, мәсилини һәл қилиш үчүн сәврчан болидиғанлиқлирини билдүрди.

1095569
америка: шималий корейә мәсилисини һәл қилишта сәврчан болимиз

түркийә авази радийоси хәвири: америка ташқи ишлар министири майк помпейо американиң йадро қорал вә башқурулидиған бомба синақ қилиштин йирақ турған вақитта, шималий корейә билән болған мунасивәтләрни давамлаштурушта сәврчан болидиғанлиқини билдүрди.

җәнубий корейә йонһап агентлиқиниң хәвиридә көрситилишичә, америка ташқи ишлар министири майк помпейо «KFDI» радийосиниң зийаритини қобул қилғанда: «шималий корейә мәсилисини һәл қилишқа вақит кетиду. сәврчан болушқа тәййарлиқимиз бар» дегән.

у икки корейә оттурисидики мунасивәтләрни вә йадро қораллиридин тазилинишиниң сүритини охшаш вақитта тезлитишниң әһмийитини тәкитлиди вә пирезидент доналд трамп билән шималий корейә рәһбири ким җоңунниң сингапорда түзгән келишим һәққидә тохталди. у мундақ деди:

«җәнубий корейә билән шималий корейә оттурисидики мунасивәтләр, бу амилларниң бири һесаблиниду.

у сеул билән вашингтон оттурисидики йеңи хизмәт гурупписиниң, корейә йерим арилиға тинчлиқ елип келиш тиришчанлиқлирини йадро қораллиридин тазилиниш мусаписиға параллел һалда илгирилитишни капаләткә игә қилиш үчүн тәшкил қилинғанлиқини қәйт қилди.

у: «җәнубий корейәлик шериклиримиз билән муһим басқучта туруватимиз вә мушундақ туридиғанлиқимиздин хатирҗәм болушни үмид қилимиз» деди.

у шималий корейәниң йирақ мусапилиқ зәмбирәк икәнлики тәхмин қилинған йеңи қорални синақ қилғанлиқи тоғрисидики хәвәрләрниң кишиләрни һәйран қалдурмиғанлиқиниму тилға алди. у бу һәқтә мундақ деди:

«биз у йәрдә немә үчүн гәп-сөз болуватқанлиқини билимиз дәп ойлаймиз, буниңдин интайин хатирҗәм, бу тоғрида көп сөзлийәлмәймән.»

америка пирезиденти доналд трамп билән шималий корейә рәһбири ким җоңун 2018-йил 12-ийун сингапорда көрүшкән болуп, икки рәһбәр шималий корейәниң йадро қораллиридин тазилиниши мәсилиси бойичә келишим имзалиған иди. йеқинқи күнләрдин бери тәрәпләр оттурисидики йадро қоралсизлиниш учришишлири тохтап қелиш нуқтисиға келип қалған. шималий корейә һөкүмити мушу айниң бешида майк помпейо билән шималий корейәниң бир йуқири дәриҗилик әмәлдариниң учришишини бикар қилған.

шималий корейә мушу айниң бешида «америка шималий корейәгә қаритилған ембарголарни әмәлдин қалдурмиса, йадро искилатлирини техиму күчәйтишни мәқсәт қилған дөләт сийаситини қайтидин җанландуруш мумкинлики» һәққидә агаһландурған чиқарған иди.



مۇناسىۋەتلىك خەۋەرلەر