нато-украина комитети топлиниду

шималий атлантик әһди тәшкилати-нато (NATO) азақ деңизидики кәрч боғузи районидики өзгиришләрни музакирә қилиш үчүн нато-украина комитетиниң бүгүн (26-нойабир) топлинидиғанлиқини елан қилди.

нато-украина комитети топлиниду

түркийә авази радийоси хәвири: нато баш катипи столтенберг азақ деңизидики өзгиришләрни музакирә қилиш үчүн украина пирезиденти петро порошенко билән телефонда көрүшкәндин кейин, бу һәқтә йазма байанат елан қилинди.

байанатта, столтенберг билән порошенкониң азақ деңизидики кәрч боғузи әтрапидики өзгиришләрни муһакимә қилғанлиқи билдүрүлди.

нато баш катипи столтенбергниң украинаниң земин пүтүнлүки, игилик һоқуқи вә деңиз тәвәликидики әркин қатнаш һоқуқини күчлүк шәкилдә қоллиғанлиқлирини ейтқанлиқи әскәртилгән байанатта, порошенкониң тәлипигә бинаән нато-украина комитетиниң пәвқуладдә йиғининиң ечилидиғанлиқи қәйт қилинди.

комитетниң бүгүн (26-нойабир) нато баш иштаби (белгийә пайтәхти бирйуссел) да баш әлчиләр сәвийәсидә топлиниши мөлчәрләнмәктә.

түнүгүн (25-нойабир) әтигәндә азақ деңизида русийәниң уруш парахотлири билән украинаниң уруш парахотлириниң қариму қарши кәлгәнлики билдүрүлгән болуп, русийә уруш парахотлири деңиз тәвәликигә қанунсиз киргәнликини илгири сүрүп, украина уруш парахотлириниң алдини тосқан иди.


خەتكۈچ: нато , украина

مۇناسىۋەتلىك خەۋەرلەر