«türkiye ilghar téxnologiyelik mehsulatlarni ishlepchiqirishqa merkezlishidu»
sanaet we téxnologiye ministiri mustafa warank türkiyening ilghar téxnologiyelik mehsulatlarni ishlepchiqirishqa merkezlishidighanliqini bildürdi.
türkiye awazi radiyosi xewiri: asiya-tinch okyan iqtisadi aliy rehberler yighini türkiye soda-sanaetchiler uyushmisi we asiya-tinch okyan soda-sanaet uyushmisi konfédratsiyesi qatarliq orunlarning hemkarliqi astida chaqirildi.
bu qétimqi aliy rehberler yighini méhmanlarning sheripige bérilgen ziyapet bilen resmiy bashlidi, ziyapetke qatnashqan sanaet we téxnologiye ministiri mustafa warank yéngi hemkarliq endizilirini chüshendürüp ötti.
warank: yéngi siyasetlirimiz türtkiside ishlepchiqarghuchi bilen istémalchi otturisida yéngiche hemkarliq enzidisi berpa qilishni nishan qilduq. deslep bu endizige asasen mehsulat ishlepchiqirimiz, arqidin éksport qilimiz, milliyleshtürüsh siyasitimiz dairiside chet ellik karxanchilarghimu sharait yaritip bérimiz, dédi.
dunyaning iqtisadi merkizining asiya-tinch okyan rayonigha yötkelgenlikini éytqan warank, bu rayondiki karxanchilargha xitab qilip mundaq dédi: «birlikte yéngi ishlarni wujudqa chiqrayli, ortaq mesililirimizge ortaq chare izdeyli, hökümet bolush süpitimiz bilen wezipimizni toluq orundashqa wede bérimiz. ishikimiz türkiyege meblegh salidighan her qandaq kishige ochuqtur.»
ministir warank iqtisadi qimmiti yuqiri bolghan téxnologiyelik mehsulatlarni ishlepchiqirishqa merkezlishidighanliqlirinimu alahide tekitlep ötti.
