xelqara jinayi ishlar saqchi teshkilatining yéngi bashliqi saylap chiqilidu
xelqara jinayi ishlar saqchi teshkilati (INTERPOL) ning yéngi bashliqi ete bashlinidighan omumiy kéngesh saylimida saylap chiqilidu.
türkiye awazi radiyosi xewiri: 18 – 24 – noyabir künliri dubeyde ötküzülidighan xelqara jinayi ishlar saqchi teshkilati (INTERPOL) ning 87 – nöwetlik omumiy kéngesh yighinigha, türkiyege wekaliten muawin ichki ishlar ministiri mehmet ersoy bashchiliqidiki jamaet xewpsizliki bash idarisi xelqara jinayi ishlar saqchi teshkilati we yawropa jinayi ishlar saqchi teshkilati bashqarmilirining mesulliridin teshkil tapqan bir heyet qatnishidu.
dölitide qolgha élinghandin kéyin wezipisidin istépa bergen xelqara jinayi ishlar saqchi teshkilatining sabiq bashliqi xong wéyméngning ornigha saylap chiqilidighan bashliqliq wezipisi üchün ötküzülidighan saylamda, jenubiy koréye, rusiye we jenubiy afriqidin namzatlar riqabetlishidu.
yighinda yene, kosowo, wanuatu we kiribatining xelqara jinayi ishlar saqchi teshkilatigha ezaliq iltimasi awazgha qoyulidu.
bu döletlermu eza bolghan teqdirde, ezalirining sani 195 ke yétidighan xelqara jinayi ishlar saqchi teshkilati, eng chong xelqaraliq teshkilatqa aylinidu.
türkiye heyiti, yighingha qatnishidighan döletlerge, türkiyening fethullahchi térrorluq teshkilati, p k k we daésh qatarliq térrorluq teshkilatlirigha qarshi élip bériwatqan kürishi we köchmen etkeschilikige taqabil turush paaliyetliri heqqide tepsiliy melumat béridu.
