amérika qoshma ishtatliridiki ot apitide ölgenler sani köpeymekte

amérika qoshma ishtatlirining kaliforniye ishtatida dawamlishiwatqan dala ot apetliride hayatidin ayrilghanlarning sani 66 gha yetti.

1089094
amérika qoshma ishtatliridiki ot apitide ölgenler sani köpeymekte

türkiye awazi radiyosi xewiri: butté rayonining mesuli kori honéa bu heqte élan qilghan bayanatida, kaliforniye ishtatining shimaliy qismigha tesir körsetken ot apitide yoqap ketken yene 7 kishining jesitining tépilghanliqini, 631 kishining téxiche iz – dériki yoqluqini,  shuning bilen, rayondiki ot apitide hayatidin ayrilghanlar sanining 63 ke  yetkenlikini jakarlidi.

alaqidar tarmaqlarning bildürüshiche, kaliforniyening shimaliy qismida dawamlishiwatqan we texminen 570 kiwadrat kilométirgha yéyilghan ot apitide, 11 mingdin artuq bina köyüp külge aylanghan. kaliforniye ishtatining jenubida dawamlishiwatqan ot apetliride bolsa, hayatidin ayrilghanlarning sani 3 ke yetken, texminen 450 öy külge aylanghan.

kaliforniyening jenubidiki ot apetliride ziyangha uchrighanlar arisida dangliq cholpanlarmu bar iken.

rayonda öyi ziyangha uchrighan, tamamen köyüp ketken yaki ot apiti sewebidin öy – makanlirini terk étishke mejbur bolghan cholpanlar  arisida dangliq artis skot bayo, rézhissor gullérmo dél toro, reality show cholpini kim kardashian, artis alisa milano we artis rayn wilson qatarliq sheexslermu bar iken.

aq sara pirézidént donald trampning shenbe küni kaliforniye ishtatigha bérip, ot apitide talapetke uchrighanlardin hal soraydighanliqini uqturdi.



مۇناسىۋەتلىك خەۋەرلەر