yilliq 100 yawro tölep, tunji alem boshluqi döliti «Asgardia» ning puqrasi bolushni xalamsiz?

türkiye awazi radiyosi xewiri: insanlar teripidin qurulghan tarixtiki tunji alem boshluqi jumhuriyiti «Asgardia» dölitining yer yüzidiki bashqa döletlerning cheklimiliridin azad, erkin bir muhit yaritip bérilidighanliqi ilgiri sürülmekte. 

tarixta tunji qétim qurulghan alem boshluqi jumhuriyiti «Asgardia» döliti buningdin kéyin puqralirining yilliq puqraliq bedili tölishi kéreklikini telep qildi.

alem boshluqi döliti «Asgardia» ning puqraliq qanunigha resmiy özgertish kirgüzüldi.

bu özgertishler netijiside, «Asgardia» puqraliri, buningdin kéyin puqraliq heq – hoquqini dawamlashturush üchün yilliq 100 yawro bedel töleydu.

 tunji alem boshluqi döliti «Asgardia» parlaménti bashliqi lémbit öpék, bu qararning parlamént teripidin asasliq köp sanliqning awaz bérishi bilen maqullanghanliqini bildürdi.

qarargha binaen, «Asgardia» puqraliqigha yéngi iltimas qilidighan kishiler, telep sunghan 30 kün ichide puqraliq heqqini tölishi lazim.

haziriqi chaghda «Asgardia» puqraliqigha ötüp bolghan kishiler yilliq puqraliq bedilini xalighan chaghda tölise bolidu.

2016 – yili 12 – öktebirdin 2018 – yili 1 - öktebirgiche bolghan ariliqta alem boshluqi jumhuriyiti «Asgardia» dölitining tereqqiyati üchün xalisane yardemde bolghan puqralardin 2019 – yilighiche puqraliq bedili kechürüm qilinidu.

puqraliq bedilini töleshni ret qilghuchilarning bolsa, puqraliqi tonglitip qoyilidu.

tunji alem boshluqi döliti «Asgardia» ezerbeyjanliq pen tetqiqat alimi igor ashurbeyli teripidin 2016 – yili qurulghan idi.

bu döletke iskandinawiye métoologiyeside qeyt qilinghan tengri ud hökümranliqidiki «Asgard» din ilham élip, «Asgardia» dep isim qoyulghan.

iyun éyida ezerbeyjanliq pen tetqiqat alimi ashurbeyli «Asgardia» dölitining resmiy pirézidéntliqigha saylandi.

insanlar teripidin qurulghan tunji alem boshluqi jumhuriyiti «Asgardia» dölitining yer yüzidiki bashqa döletlerning cheklimiliridin azad, erkin bir muhit yaritip béridighanliqi ilgiri sürülgen idi. 

bu döletke türkiyedin 40 ming kishi puqraliqqa ötüp, tizimlikning alinqi qataridin orun aldi.

türkiyedin qalsila eng köp puqraliqqa ötüp nisbiti boyiche amérika ikkinchi, hindistan üchinchi we xitay tötinji boldi.