«CNN» ақ сарай үстидин сотқа әрз сунди

түркийә авази радийоси хәвири: бу һәқтә «CNN» телевизийә қанилиниң елан қилған байанатида, ақ сарай даирилириниң җим акостаниң мухбирлиқ кенишкисини тоңлитип қойушиниң дөләт асасий қануниң 1 - маддиси вә 5 – маддисиға хилап икәнлики билдүрүлди.

җим акоста билән «CNN» телевизийә қанилиниң бирликтә доналд трамп, ақ сарай баш катипи җон келлий, ахбарат ишханиси байанатчиси сараһ сандерс, муавин баш катиб бил шайн, мәхпий хизмәтләр ишханиси дириктори шундақла җим акостаниң ақ сарайға керишигә җисманий җәһәттин тосалғулуқ қилған мәхпий хизмәтләр мәмури үстидин сотқа әрз қилғанлиқи қәйт қилинди.

байанатта, «<CNN> түнүгүн әтигәндә пайтәхт вашингитондики сот мәһкисидә, трамп һөкүмитигә қарши дело мәлум қилди. дело арқилиқ <CNN> қанили баш мухбири җим акостаниң мухбирлиқ кенишкисиниң қайтуруп берилиши тәләб қилиниду. ақсрайниң қарари, <CNN> қанили вә җим акостаниң дөләт асаси қанунида бәлгиләнгән 1 – вә 5 маддилирики һәқ – һоқуқиниң дәпсәндә қилинғанлиқидур» дейилди. 

америка дөләт асасий қануниниң 1 – маддиси пикир вә ипадә әркинликини тәкитләйду. 5 – маддиси болса, кишиләрниң сөз қилмаслиқ һоқуқини капаләткә игә қилиду.

ақ сарайда, палата сайлимидин кейин чақирилған ахбарат елан қилиш йиғинида, җим акоста билән трамп оттурисида йүз бәргән йерикчилик сәвәбидин мәзкур қарарниң мақуллиниши һәмминиң диққитини тартти.

ахбарат елан қилиш йиғинида трамп билән акоста оттурсида йүз бәргән йерикчиликтин кейин, америка пирезиденти доналд трамп: «<CNN> сени ишләткәнлики үчүн нумус қилиши лазим. қопал вә начар бир инсан икәнсән. сәндәк адәмләр <CNN> дә ишлимәслики керәк. сениң сараһқа тутқан позитсийәң начар, башқа инсанларға тутқан позитсийәңму начар. сән инсанларға бундақ муамилә қилсаң болмайду» дегән сөзләрни ишләткән иди.