دۇنيا لىدېرلىرى پارىژدا ئۇچراشتى

تۈركىيە ئاۋازى رادىيوسى خەۋىرى: 1-دۇنيا ئۇرۇشىغا خاتىمە بېرىشنى مەزمۇن قىلغان ئوق چىقىرىشنى توختىتىش كېلىشىمىنىڭ 100-يىللىقى مۇناسىۋىتى بىلەن، فىرانسىيەنىڭ پايتەختى پارىژدا خاتىرىلەش مۇراسىمى ئۆتكۈزۈلدى.

جۇمھۇر رەئىس رەجەپ تاييىپ ئەردوغان بولۇپ جەمئىي 80 دۆلەتنىڭ دۆلەت، ھۆكۈمەت ۋە خەلقئارا ئورگانلارنىڭ  باشلىقلىرى، ئېلىزە سارىيىدا فىرانسىيە پىرېزىدېنتى ئېممانۇئېل ماكرون تەرىپىدىن كۈتۈۋېلىندى.

ئەردوغان ۋە لىدېرلار زەپەر كوچىسىدا بىرلىكتە يۈرىدى.

لىدېرلار «پىرېزىدېنتلار مۇنبىرى»دىكى ئورنىغا ئولتۇرۇپ خاتىرىلەش مۇراسىمىغا ئىشتىراك قىلدى.

جۇمھۇر رەئىس رەجەپ تاييىپ ئەردوغانغا رەپىقىسى ئەمىنە ئەردوغانمۇ ھەمراھ بولدى.

ئەردوغان ئېلىزە سارىيىدا پىرېزىدېنت ماكرون تەرىپىدىن دۆلەت، ھۆكۈمەت ۋە خەلقئارا ئورگانلارنىڭ باشلىقلىرى شەرىپىگە بېرىلگەن  چۈشلۈك زىياپەتكىمۇ قاتناشتى.