firansiye bash minitsirliq turalghusida özini öltüriwélish weqesi yüz berdi
firansiyening bash ministirliq turalghusi «matignon» da, wezipe ötewatqan bir jumhuriyet qoghdughuchisining özini étip öliwalghanliqi élan qilindi.
türkiye awazi radiyosi xewiri: «yawropa 1» radiyosida élan qilinghan xewerde, weqening bügün etigen yüz bergenliki bildürüldi.
xewerde, bash ministirliq turalghusi «matignon» da wezipe ötewatqan jumhuriyet qoghdughuchisining wezipe esnasida öz qorali bilen özini étip öliwalghanliqi we jesitining turalghu baghchisidin tépilghanliqi qeyt qilindi.
bash ministir édoard pillippe yéngi kalédoniyede resmiy ziyarette boluwatqan bolup, uning weqe heqqide bayanat élan qilghanliqi we 45 yashliq özini öltüwalghan xadimning aile – tawabiatlirigha teziye téleklirini yetküzgenliki bildürüldi.
özini étip öliwalghan jumhuriyet qoghdughuchisining 2 perzenti barliqi we weqe heqqide tekshürüsh bashlanghanliqi uqturuldi.
firansiyede saqchilar we zhandarma xadimlirining özini öltüriwélish weqeliri namayishlarning kötürülishige seweb bolghan idi.
aldinqi yilimu firansiye miqyasida jemiy 68 amanliqni saqlash xadimi wezipe ötesh jeryanida özini öltüriwalghan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
