CIA директориниң қашиқҗи җинайитигә алақидар авазларни тиңшиғанлиқи илгири сүрүлди

түркийә авази радийоси хәвири: сәуди әрәбистанлиқ журналист җәмал қашиқҗи (хашиқҗи) вәқәсини тәкшүрүш җәрйани тоғрисида мәлумат игиләш үчүн түркийәгә кәлгән америка мәркизий ахбарат идариси – CİA директори гина һасеплниң, қашиқҗиниң өлтүрүлүшигә алақидар аваз линтисини тиңшиғанлиқи илгири сүрүлди.

америкида чиқидиған вашингтон почтиси гезити, «һаспелниң йиғинлири тоғрисида мәлуматқа игә кишиләр» ни мәнбә қилған һалда қашиқҗиниң өлтүрүлүшигә алақидар бир парчә хәвәр тарқатти؛ хәвәрдә, исимлири ашкариланмиған мәзкур әмәлдарлар мәнбә қилинған һалда, һаспелниң түркийә зийарити җәрйанида аваз линтилирини тиңшиғанлиқи илгири сүрүлди.

хәвәрдә, мәнбәләрниң, авазларниң «ишәнчлик» икәнликини билдүргәнлики, америкиниң сәуди әрәбистанға техиму күчлүк бесим ишлитиш еһтималиниң барлиқи қәйт қилинди.

CİA директори һаспел, америка пирезиденти доналд трампниң тәлипигә асасән сәйшәнбә күни түркийәгә кәлгәниди.

вашингтон почтиси гезитиниң сәуди әрәбистанлиқ йазғучиси журналист җәмал қашиқҗи, 2018 – йили 2 – өктәбир сәйшәнбә күни материйаллирини тәстиқлитиш үчүн сәуди әрәбистанниң истанбулдики консулханисиға кирип кәткәндин кейин издерики елиналмиғаниди.

сәуди әрәбистан 20 – өктәбирдә қашиқҗиниң «консулханида чиққан җедәлдә өлүп кәткәнлики» ни елан қилғаниди.

сәуди әрәбистан рәсмий хәвәр агентлиқи – спаниң хәвиридә, сәуди әрәбистан баш тәптиш мәһкимисиниң тәкшүрүши нәтиҗисидә, җәмал қашиқҗи истанбул консулханисиға кирип, у йәрдики башқа сәуди әрәбистанлиқлар билән дәталаш қилишқа башлиғанлиқи, талаш – тартишниң җедәлгә айланғанлиқи, нәтиҗидә қашиқҗиниң һайатидин айрилғанлиқи» ниң оттуриға чиққанлиқи илгири сүрүлгәниди.