үч дөләт сәуди әрәбистан һәққидә хитабнамә елан қилди
әнглийә, германийә вә фирансийә ташқи ишлар министирлириниң сәуди әрәбистанлиқ журналистниң өлтүрүлүши тоғрисида ортақ байанат елан қилғанлиқи билдүрүлди.
түркийә авази радийоси хәвири: әнглийә ташқи ишлар вәзири җерми хант, германийә ташқи ишлар министири һайко маас вә фирансийә ташқи ишлар министири жан ив лөдирйан сәуди әрәбистанниң журналист җәмал кашикчиниң өлтүрүлгәнлики тоғрисидики байанатлириға мунасивәтлик хитабнамә елан қилди.
узун вақиттин буйан кашикчиниң сәуди әрәбистанниң истанбулдики консулханисида вәһшийлик билән өлтүрүлгән болуш мумкинликидин қорқунч һес қилинғанлиқини, әмма бу хәвәр тоғриланғандин кейин қаттиқ чөчүчигәнликлири әскәртилгән хитабнамидә: «һечқандақ нәрсә бу җинайәтни ақлийалмайду, биз буни қаттиқ әйибләймиз» дейилди.
«сәуди әрәбистанниң дәсләпки тәкшүрүш нәтиҗилирини елан қилған байанатини әстә чиң тутимиз» дейилгән байанатта йәнә, мундақ дейилди:
«бирақ 2-өктәбирдә немиләрниң йүз бәргәнликини толуқ айдиңлитишимизға еһтийаҗлиқмиз. сәуди әрәбистандики тәкшүрүшләрдә қолға кәлтүрүлгән нәтиҗиләрниң ишәнчлик болуши үчүн йетәрлик дәлил-испатлар болуши керәк. әмәлийәтниң кәң даирилик, ениқ вә ишәнчлик ениқлиниши үчүн тиришчанлиқ көрситилиши керәкликигә еһтийаҗлиқ икәнликимизни тәкитләймиз. немиләрниң йүз бәргәнлики һәққидә көп елан қилинған байанатларниң ишәнчлик икәнлики вә бундақ номус қиларлиқ вәқәниң қәтий йүз бәрмәйдиғанлиқи, шундақла йүз бәрмәйдиғанлиқиға болған ишәнчимизгә асасән ахирқи қараримизни чиқиримиз.»
хитабнамидә, үч дөләтниң бу мәсилидә сәуди әрәбистан билән давамлиқ алақә һалитини сақлап қалидиғанлиқи, сәуди әрәбистан билән болған мунасивәтләрниң йуқири сәвийәлик болуши вә әһмийитиниң, барлиқ тәрәпләр ортақ бойсунидиған хәлқаралиқ қанун рамкилириға вә қиммәт өлчәмлиригә қилинған һөрмәткә бағлиқ икәнлики әскәртилди.
сәуди әрәбистан һөкүмити 2-өктәбир истанбулдики сәуди әрәбистан консулханисиға киргәндин кейин йоқап кәткән журналист кашикчиниң «консулхана бинасида чиққан сүркилишләр нәтиҗисидә өлгәнлики» ни елан қилған иди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
