трамп: түркийәдин қашиқҗи вәқәсигә алақидар аваз вә көрүнүш болса, беришини тәләп қилдуқ

америка пирезиденти доналд трамп, түркийәдин сәуди әрәбистанлиқ журналист җәмал қашиқҗи (хашиқҗи) ниң йоқап кетишигә алақидар аваз вә көрүнүш болса, беришини тәләп қилғанлиқини билдүрди.

1070819
трамп: түркийәдин қашиқҗи вәқәсигә алақидар аваз вә көрүнүш болса, беришини тәләп қилдуқ

түркийә авази радийоси хәвири: доналд трамп ақсарайда мухбирларниң қашиқҗи тоғрисидики соаллириға җаваб берип, «түркийә һөкүмити аваз вә көрүнүш мәлуматлириниң барлиқини билдүрмәктә» дегән бир соалға «әгәр болуп қалса (бу мәлуматларни) биз тәләп қилдуқ» дәп җаваб бәрди.

трамп, «аваз вә көрүнүшләр болса, һәйран қаламсиз?» дегән йәнә бир соалға «йақ, бар – йоқлуқини билмәймән, лекин бар болуш еһтимали бар. (ташқи ишлар министири) майк помпео (түркийәдин америкиға) қайтип кәлгән чағда әтраплиқ мәлумат алимән» дәп җаваб бәрди.

трамп, майк помпеони вәқә йүз берип икки һәптигә йеқин вақит өткәндин кейин сәуди әрәбистанға әвәткәниди. у, рийадта йуқири дәриҗилик әмәлдарлар билән көрүшкәндин кейин пайтәхт әнқәрәгә келип җумһур рәис рәҗәп таййип әрдоған вә ташқи ишлар министири мәвлүт чавушоғлу билән көрүшкәниди.

сәуди ислаһатчилириға нисбәтән муһим мунбәр һесаблинидиған «әлвәтән» гезитигә төһпә қошуп келиватқан, охшашла вашингтон почтиси гезитиға мақалә йезиватқан журналист җәмал қашиқҗи һәққидә 2 – өктәбирдә сәуди әрәбистанниң истанбулдики консулханисиға кирип кәткәндин буйан хәвәр елиналмиғаниди.



مۇناسىۋەتلىك خەۋەرلەر