ئامېرىكا سومالىدا تېررورلۇق تەشكىلاتى ئەششەبابقا قارشى ھاۋا ھۇجۇمى ئېلىپ باردى

تۈركىيە ئاۋازى رادىيوسى خەۋىرى: مەزكۇر قوماندانلىق ئىشتابى تەرىپىدىن بۇ ھەقتە ئېلان قىلىنغان يازما باياناتتا، ھاۋا ھۇجۇمىدا ئەشەباب تەشكىلاتىغا ئەزا 60 تېررورچىنىڭ ئۆلتۈرۈلگەنلىكى تەكىتلىنىپ مۇنداق دېيىلدى: « ئامېرىكا قوشما ئىشتاتلىرىنىڭ ئافرىقا قىسىملىرى قوماندانلىق ئىشتابىنىڭ سومالى فېدېرال ھۆكۈمىتى بىلەن ھەمكارلىشىپ 12 – ئۆكتەبىر كۈنى ھاراردەرە ئەتراپىدا ئەشەشەباب تەشكىلاتىغا ئەزا تېررورچىلارغا قارشى ئېلىپ بارغان ھاۋا ھۇجۇمىدا 60 تېررورچى ئۆلتۈرۈلدى، ھۇجۇم جەريانىدا پۇقرالار قىلچە زىيانغا ئۇچرىمىدى. بۇ، ئامېرىكا قوشما ئىشتاتلىرى ئافرىقا قىسىملىرىنىڭ 2017 - يىلى 21 – نويابىر كۈنى ئەشەشباب لاگېرىغا قارىتا ئېلىپ بارغان ۋە تەخمىنەن 100 تېررورچى ئۆلتۈرۈلگەن ھۇجۇمدىن كېيىنكى ئەڭ چوڭ ھۇجۇم ھېسابلىنىدۇ.»