пуқралиқини сетивалғили болидиған дөләтләр елан қилинди

түркийә авази радийоси хәвири: иқтисадий һәмкарлиқ вә тәрәққийат тәшкилати «OECD», мәбләғ селиш бәдилигә пуқралиқ йаки иқамәт беридиған һәмдә баҗ оғрилашқа қарши күрәштә хәлқаралиқ тиршчанлиқларға тәһдит шәкилләндүридиған дөләтләрниң тизимликини елан қилди.

мәбләғ селиш бәдилигә пуқралиқ йаки иқамәт беридиған 100 дөләтниң бу һәқтики һәр хил пирограммилирини тәкшүрүп чиққан иқтисадий һәмкарлиқ вә тәрәққийат тәшкилати «OECD» ниң доклати рәсмий елан қилинди.

доклатта баҗ оғрилашқа қарши күрәшкә нисбәтән йуқири дәриҗилик хәвпләрни өз ичигә алған бу пирограммилар йолға қойулған дөләтләр муәййәнләштүрүлгән болуп, йавропа иттипақиға әза дөләтләрдин малта вә җәнубий қибрис рум тәрәп һакимийити қатарлиқ 21 дөләт рәткә тизилди. 

доклатта, антигуа, барбуда, баһамалар, бәһрәйн, барбадос, коломбийә, доминика, гиренада, малайшийа, мавритйичус, монако, монтсеррат, панама, қатар, саинт китис, невис, саинт лука, сәйшәлс, туркус вә какос араллири, бирләшмә әрәб хәлипилики вә ванауту қатарлиқларниң һәр хил селинмилар бәдилигә иқамәт вә пуқралиқ беридиғанлиқи, бу пирограммилириниң сүйиистемал қилишқа очуқ икәнлики уқтурулди.  

бу дөләтләрдики йолға қойулған пуқралиқ вә иқамәт бериш пирограммилирини баҗ оғрилаш вә мал – мүлкини йошуруш үчүн сүйиистемал қилғили болидиғанлиқи тәкитләнгән доклатта йәнә, бәзи дөләтләрдики бу хил бәлгилимиләрдә, хели узун мәзгил шу дөләттә йашиғанлиқиға қаримастин, баҗни төвән елиш қатарлиқ асанлиқларниңму йаритип берилгәнлики билдүрүлди.