һәр 9 кишидин бирси ач, 8 кишидин бирси семиз

түркийә авази радийоси хәвири: бу мәлумат, бирләшкән дөләтләр тәшкилати дунйа йемәк - ичмәк пирограммиси «WFP» ниң түркийә ишханиси алақә – мунасивәт ишлири башлиқи мартин пеннер тәрипидин елан қилинди.

мартин пеннер йәр шари миқйасида ачарчилиқниң ешип кетиватқанлиқини билдүрүп, «бирләшкән дөләтләр тәшкилатиниң синтәбир ейида елан қилған санлиқ мәлуматлириға асасланғанда, алдинқи йили дунйа миқйасида ач инсанларниң сани йуқири өрләп, 821 милйонға йәткән. башқичә елип ейтқанда һәр 9 кишидин бирси ач қамақта» деди.

мартин пеннер балиларниң сағлам йетилиш нисбитиниң арқиға чикинишидин тартип, чоңлардики семизликкә қәдәр йүз милйонлиған кишиниң саламәтликиниң хәвп астида икәнликини ейтти.

ачарчилиқниң йеқинқи 3 йил ичидә өрләшкә йүзлинип, 10 йил илгирики сәвийәгә келип қалғанлиқини тәкитлигән мартин пеннер: «җәнубий африқида вә африфиниң нурғунлиған районлирида әһвал техиму еғирлашмақта. бирләшкән дөләтләр тәшкилатиниң <хәлқара йемәк - ичмәк бихәтәрлики вә озуқлиниш әһвали> намлиқ доклатида, муһит өзгириш вә йамғурниң тириқчилиқ пәсиллиригә тәсир көрсәткәнлики, буниңдин башқа йәнә қурғақчилиқ, су апәтлиригә мунасивәтлик әһвалларниңму тоқунуш вә иқтисадий турғунлуқ билән биргә ачарчилиқниң ешип кетишигә йол ечиватқан алдинқи қатардики сәвәбләрни шәкилләрндүриватқанлиқи оттура чиқмақта. асийада 515 милйон, африқида 256 милйон 500 миң, латин америка вә карибларда 39 милйон киши ачарчилиқни баштин кәчүрмәктә. чоңлар ичидики симизләрниң сани дунйа миқйасида 672 милйонға йәтти. бу нисбәт һәр 8 кишидин бирсиниң симизликкә мубтила икәнликини көрситип бериду. 5 йаштин кичик өсмүрләр арисида йетилиши еғир тәсиргә учриғанларниң сани 150 милйон 800 миңға йәтти. исрапчилиқниң тәсиригә учриған өсмүрләрниң сани болса, 50 милйон 500 миңға чиқти. дунйада йәнә, 38 милйон 300 миң 5 йаштин кичик өсмүр семизләр катигорийәсидин орун алди» деди.