خامەنېي مۇتەخەسسىسلەرگە «ئىران تەرەققىيات مودېلى» لايىھەسى تۈزۈش توغرىسىدا بۇيرۇق چۈشۈردى

تۈركىيە ئاۋازى رادىيوسى خەۋىرى: خامەنېي قارارنامە ئېلان قىلىپ، مۇتەخەسسىسلەردىن «ئىران تەرەققىيات مودېلى» لايىھەسىنى 2 يىل ئىچىدە تەييارلاپ بولۇشنى تەلەپ قىلدى.

مەزكۇر قارارنامەنىڭ ھىجرىيە – شەمسىيە كالىندارى بويىچە 1400 – (مىلادىيە 2021) يىلى ئىجرا قىلىنىشقا باشلىنىدىغانلىقى، نىشاننىڭ ھىجرىيە شەمسىيە كالىندارى بويىچە 1444 – يىلى (مىلادىيە 2065) غا بارغاندا ئىراننى ئاسىيا قىتئەسىنىڭ ئالدىنقى قاتاردىكى 4 ۋە دۇنيا دۆلەتلىرىنىڭ ئالدىنقى قاتاردىكى 7 دۆلىتىنىڭ قاتارىغا كىرگۈزۈشتىن ئىبارەت ئىكەنلىكى قەيت قىلىندى.

ھىجرىيە – شەمسىيە كالىندارى ئىشلىتىلىدىغان ئىراندا 21 – مارتتا 1397 – يىلىغا قەدەم بېسىلدى.