венгирийә таратқулири җумһур рәис әрдоғанниң зийаритигә кәң орун аҗратти

венгирийә таратқулири җумһур рәис рәҗәп таййип әрдоғанниң 8 – 9 – өктәбир күнлири венгирийәгә қилған рәсмий зийаритигә кәң орун аҗратти.

1066057
венгирийә таратқулири җумһур рәис әрдоғанниң зийаритигә кәң орун аҗратти

түркийә авази радийоси хәвири: венгирийәдә чиқидиған даңлиқ гезитләрдин бири болған «‹ магйар идөк › гезити», җумһур рәис әрдоғанниң зиаритигә алақидар хәвиридә, венгирийә баш министири виктор орбанниң «түркийәниң муқимлиқи бизгә пайдилиқ» тәриқисидики сөзлирини сәрләвһә қилип елан қилди.

җумһур рәис рәҗәп таййип әрдоғанниң зийарити даирисидә венгирийә   пирезиденти җанос адер, баш министири виктор орбан, парламент башлиқи лазисло көвер билән бир йәргә җәм болғанлиқи әскәртилгән хәвәрдә, җумһур рәис әрдоғанниң будапешттики османли империйәси дәвригә аит йадикарлиқлардин «гүл баба мәқбәриси» ниң ечилиш мурасимиға қатнашқанлиқи қәйт қилинди.

гезитниң хәвиридә йәнә, венгирийә баш министири виктор орбанниң җумһур рәис рәҗәп таййип әрдоғанниң зийарити тоғрулуқ тохталғанда қилған муну сөзи нәқил кәлтүрүп мундақ дейилди: «венгирийәниң бихәтәрлики түркийә билән биваситә мунасивәтликтур. түркийәдә күчлүк бир һөкүмәтниң һакимийәт бешида болуши венгирийәниңму бихәтәрликиниң капалити һесаблиниду. дәрвәқә, түркийәму венгирийәгә охшашла көчмәнлик йоллири үстигә җайлашқан бир дөләт болуп, түркийәниң районда тинчлиқ орниталиғудәк күчлүк һакимийәт қурулмисиға игә болуши һәмдә қанунсиз көчмәнликни райондин йирақлаштуруш иқтидариға игә болуши бизгә нисбәтән наһайити зор әһмийәткә игә. түркийәниң йавропа билән һасил қилған көчмәнлик келишимиму наһайити муһимдур. бизниң түркийәгә қарита һәмкарлиқимизни очуқ - ашкара һалда намайән қилиш мәҗбурийитимиз бардур. милйонларчә көчмәнни бағриға басқанлиқи үчүн түркийәгә рәһмәт ейтииш бизниң әң әқәллий инсаний бурчимиздур. түркийәниң йавропа билән түзгән келишими йавропа қитәсиниң бихәтәрлики үчүн наһайити зор әһмийәткә игә. түркийә дунйа бойичә иқтисадий җәһәттин әң күчлүк қудрәтлик дөләтләрдин биридур. шуңа венгирийә түркийәниң дунйа бойичә иқтисадий әң күчлүк 10 дөләт қатаридин орун елиш нишаниға һәргизму сәл қарийалмайду.»

венгирийәдики тәсири әң күчлүк телевизийә қаналлиридин бири болған «‹ Hir TV › телевизийә қанили» ниң интернет тор бетидә, венгирийә баш министири виктор орбанниң җумһур рәис рәҗәп таййип әрдоғанниң зиарити тоғрулуқ қилған сөзи нәқил кәлтүрүлүп  елан қилинған «һәм венгирийә һәм түркийә күчлүк һөкүмәтләргә игә» сәрләвһилик хәвиридә, венгирийәниң түркийәниң йавропа иттипақиға әзалиқини қоллайдиғанлиқи, җумһур рәис әрдоғанниң бу қетимқи зийаритидә, баш министир виктор орбанниң венгирийәниң бу һәқтики позитсийәсини намайән қилғанлиқи тәкитләнди.



مۇناسىۋەتلىك خەۋەرلەر