türkiye istanbuldiki seudi erebistan konsulxanisini tekshüridu

türkiye awazi radiyosi xewiri: türkiye jumhuriyiti tashqi ishlar ministirliqi, ötken hepte (seudi erebistanning istanbuldiki konsulxanisigha kirgendin kéyin) yoqap ketken seudi erebistan puqrasi zhurnalist jemal qashiqji weqesini tekshürüsh dairiside, seudi erebistanning istanbuldiki konsulxanisida tekshürüsh élip bérilidighanliqini uqturdi.

tashqi ishlar ministirliqi bayanatchisi hami aqsoy, jemal qashiqji mesilisige munasiwetlik bir soalgha yazma halette jawab qayturdi.  qashiqjining aqiwitige alaqidar özgirishlerning weqe yüz bergen kün (2 – öktebir) din buyan edliye, jamaet xewpsizlik we dölet bixeterlik xadimliri teripidin yéqindin tekshürülüwatqanliqini eskertken aqsoy, «ismi bayan qilinghan kishining aqiwitini éniqlash meqsitide alaqidar tarmaqlirimiz teripidin élip bériliwatqan tekshürüsh jiddiy shekilde dawamlashturulmaqta» dégenlerni qeyt qildi we «konsulxana munasiwetlirige alaqidar wiyénna ehdinamisining rohigha asasen, konsulxana binalirining chéqilalmasliq hoquqi bolush bilen birge, diplomatik orun mesulining qoshulushi bilen sahibxan dölet xadimliri konsulxana binasida tekshürüsh élip baralaydu. seudi erebistan dairiliri hemkarliq ornitishqa teyyar ikenliklirini, konsulxana binasida tekshürüsh élip bérilsa bolidighanliqini bildürdi. shunga, tekshürüsh dairiside konsulxana binasida tekshürüsh élip bérilidu» dégenlerni sözlirige ilawe qildi.