rusiyening «300 - s» bashqurulidighan bomba hawa mudapiesi sistémisi süriyede

rusiye dölet mudapie ministiri sérgéy shoygu süriyege «300 - s» bashqurulidighan bomba hawa mudapiesi sistémisining tapshurup bérilgenlikini bildürdi.

1061462
rusiyening «300 - s» bashqurulidighan bomba hawa mudapiesi sistémisi süriyede

türkiye awazi radiyosi xewiri: shoygu rusiye pirézidénti wiladimir putinning riyasetchilikide dölet xewpsizlik kéngishide chaqirilghan yighinda qilghan sözide, rusiye eskerlirining süriyediki bixeterlikini qoghdash tedbirlirini kücheytish meqsitide süriyege «300 - s» bashqurulidighan bomba hawa mudapiesi sistémisining tapshurup bérilgenlikini tekitlep mundaq dédi: «<300 – s> bashqurulidighan bomba hawa mudapiesi sistémisi bilen birlikte 49 türlük  téxnikilik herbiy üskünilermu süriyege tapshurup bérildi.»

aldinqi ayda aqdéngiz üstide süriye hawa tewelikide charlash élip barghan we 15 esker olturghan rusiyening « Il-20» tipliq ayropilani süriyening bashqurulidighan bomba mudapie sistémiliri teripidin chüshürüwétilgenidi.

rusiye weqedin kéyin israiliye hawa armiyesini eyibligen, süriyediki rus eskerlirining bixeterlikini qoghdash tedbirlirini kücheytish üchün beshshar esed hakimiyitige ilgiri tapshurup bérishtin waz kechken «300 - s» bashqurulidighan bomba hawa mudapiesi sistémisini béridighanliqini jakarlighanidi.



مۇناسىۋەتلىك خەۋەرلەر