niyuyorkta taghliq qarabagh mesilisimu küntertipke keldi

tashqi ishlar ministiri elmar memmedyarow bilen erméniye tashqi ishlar ministiri zohrab minatsakanyan taghliq qarabagh mesilisige chare tépish üchün muzakire ötküzdi.

niyuyorkta taghliq qarabagh mesilisimu küntertipke keldi

türkiye awazi radiyosi xewiri: ezerbeyjan tashqi ishlar ministiri elmar memmedyarow bilen erméniye tashqi ishlar ministiri zohrab minatsakanyan, taghliq qarabagh mesilisige chare tépish muzakiriliri dairiside niyuyorkta uchrashti.

elmar memmedyarow körüshüsh toghruluq bayanat élan qilip körüshüshning 3 saet dawamlashqanliqini, körüshüshte mesilining charisi we taghliq qarabaghda uzun muddetlik tinchliq berpa qilish üchün qilishqa tégishlik ishlar üstide kéngesh ötküzülgenlikini bildürdi.

memmedyarow yawropa xewpsizlik we hemkarliq teshkilati minsk guruhi teng hoquqluq reislirining taghliq qarabaghni ziyaret qilishi we muzakirilerni dawmlashturush qatarliq mesililerde pikir birliki hasil qilinghanliqini eskertti.

bu qétimqi körüshüshke yene yawropa xewpsizlik we hemkarliq teshkilati minsk guruhi teng hoquqluq reisliridin rusiyelik igor popow, firansiyelik stéphan wiskonti, amérikaliq andréw sichopér qatarliq shexslermu qatnashti.

taghliq qarabagh mesilisi sowét ittipaqining yimirilishi basquchida erméniyening bu rayonda igilik hoquqi barliqini ilgiri sürüshi bilen bashlidi.

erméniye 1991-yilni hankéndini, 1992-yili xojali we shushani ishghal qildi, arqidin lachin, xojawend, kelbejer we aghderenimu tartiwalghan erméniye 1993-yili aghdamgha bésip kirdi. aghdamdin kéyin jebrayil, fuzuli, gubadli we zengilan qatarliq jaylar ishghal qilindi.

ezerbeyjan zéminlirining %26si ishghal qilindi we bir milyongha yéqin kishi yurt-makanlirini tashlap kétishke mejbur boldi.

ezerbeyjan bilen erméniye 1994-yili 4-5-may künliri bishkekte musteqil döletler gewdisi parlaméntlarara mejlisi, qirghizistan parlaménti, rusiye fédratip mejlisi we tashqi ishlar ministirliqining himayisi astida  ikki dölet otturisida oq chiqirishni toxtitishni mezmun qilghan «bishkek kélishimi»ni imzalidi, lékin bu qeghez üstidila qaldi, ikki dölet otturisida izchil toqunush yüz bérip turdi we toqunushlarda minglarche esker öldi.

minsk guruhi erméniye-ezerbeyjan otturisidiki ixtilap we taghliq qarabagh mesilisini tinch yol bilen hel qilishqa righbetlendürüsh we ikki döletni yarashturush meqsitide 1992-yili quruldi.

teng hoquqluq reislik wezipisini rusiye, firansiye we amérika qatarliq döletler ötep kéliwatqan yawropa xewpsizlik we hemkarliq teshkilati minsk guruhi 26 yildin buyan zor tirishchanliqlarni körsitip kéliwatqan bolsimu, taghliq qarabagh mesilisige konkrét chariler tépilmidi.



مۇناسىۋەتلىك خەۋەرلەر