трамп икки корейәниң келишимини махтиди

америка пирезиденти доналд трамп шималий вә җәнубий корейә рәһбәрлири һасил қилған келишимни махтиди.

1053182
трамп икки корейәниң келишимини махтиди

түркийә авази радийоси хәвири: пирезидент трамп флорес қуйун апити йүз бәргән шималий каролина иштатиға қарап йолға чиқиштин бурун ақсарайда мухбирларни күтүвелип, күнтәртиптики икки корейә рәһбәрлириниң учришиши тоғрисида байанат елан қилди.

у шималий корейә рәһбири ким җоңун билән җәнубий корейә пирезиденти мун җаен оттурисида 18-сентәбир түзүлгән келишимдин мәмнунлуқ һес қилғанлиқини вә буниң ахириниң келишини үмид қилидиғанлиқини билдүрди. у мундақ деди:

«шималий корейә билән җәнубий корейәдин хуш хәвәрләр кәлди. икки дөләт рәһбәрлири бир йәргә җәм болди. биз наһайити йахши инкасларниң болғанлиқи һәққидики хәвәрләрни алдуқ. шималий корейәгә мунасивәтлик чоң илгириләшләрни көрситиватимиз.»

у мәзкур мусапиниң әң муһим қисминиң пийоңйаң һөкүмитиниң буниңдин кейин йадро вә башқурулидиған бомба синақ қилмаслиқи икәнликини әскәртип: «әмди башқурулидиған бомба синиқи вә йадро синиқи қилинмайду, әмди бу икки дөләт олимпик тәнһәрикәт йиғинлирини бирликтә өткүзүшни халайду» деди.

у үч күн бурун ким җоңундин мәктуп тапшуруп алғанлиқини билдүрди вә пирезидент болуштин илгири хийалиғиму келип бақмиған илгириләшләрниң, өзиниң дәвридә әмәлгә ашқанлиқини қәйт қилди. у мундақ деди:

«шималий корейә билән уруш қилидиған һаләттә идуқ, һазир муһим илгириләшләрни қолға кәлтүрүватимиз. мәһбуслиримизни тапшурувалдуқ, қалғанлириму давамлиқ келиду, булар муһим илгириләшләр.»

җәнубий корейә пирезиденти мун җаен билән шималий корейә рәһбири ким җоңун икки дөләт оттурисида тинчлиқ үчүн бирликтә тиришчанлиқ көрситидиғанлиқи һәққидә вәдә берип, ортақ хитабнамигә имза қойди.

хитабнамидә, америка тегишлик қәдәмләрни басқан тәқдирдә, шималий корейәниң йерим арални йадро қораллиридин тазилашта техиму чоң қәдәмләрни ташлайдиғанлиқи тәкитләнди.

хитабнамидә йәнә, хитабнамидә, шималий вә җәнубий корейәниң хәлқаралиқ тәнтәрбийә паалийәтлиригә биллә қатнишишни давамлаштуридиғанлиқи вә 2032-йили өткүзүлидиған йазлиқ олимпик йиғиниға бирликтә саһибханлиқ қилиш үчүн тиришидиғанлиқлири қәйт қилинди. буниңдин башқа, шималий вә җәнубий корейәниң панмунҗом чегра йезисидики ортақ хәвпсизлик районини меналардин тазилаш, чегра қаравуллирини әмәлдин қалдуруш мәсилисидиму пикир бирлики һасил қилинғанлиқи билдүрүлди.



مۇناسىۋەتلىك خەۋەرلەر